ابن روق
15-02-2010, 01:09 PM
قصيدة للشاعر لافي الغيداني الحربي , اعجبني التوجد فيها و نقلتها
انا لي ثلاث سنين صابر وجرحي ني
اجامل على جرحي وبضلوعي اضمه
ابي شوف خلي مير ماشوفته بيدي
ماغير اتحرى تجي الاخبار من يمه
وجودي على شوفة وليفي وجود صبي
بعد ما وعى قلبه تفاجا بموت امه
طواه اليتم باول زمانه ووضعه سي
عقب ولية امه صار في ولية العمه
ليا سوت الطعام تعطيه منه شوي
ومن وين مامسى نام متوسد كمه
وابوه اجودي حي لكن ما كنه حي
عليها اتكل والخايبه مابها ذمه
مثل ما سواها فيه وقته سواها في
الاسباب مختلفه وهمي مثل همه
على واحد لاجابو الناس ذكره لي
صفق قلبي من الشوق له واحترق دمه
كما صفق دلو حدروها وهم ضمي
وقصر حبلها فيها قبل ياصل الجمه
ماغير احدروها واظهروها ماجابت شي
تصافق بها الجيلان والورد ملتمه
انا لي ثلاث سنين صابر وجرحي ني
اجامل على جرحي وبضلوعي اضمه
ابي شوف خلي مير ماشوفته بيدي
ماغير اتحرى تجي الاخبار من يمه
وجودي على شوفة وليفي وجود صبي
بعد ما وعى قلبه تفاجا بموت امه
طواه اليتم باول زمانه ووضعه سي
عقب ولية امه صار في ولية العمه
ليا سوت الطعام تعطيه منه شوي
ومن وين مامسى نام متوسد كمه
وابوه اجودي حي لكن ما كنه حي
عليها اتكل والخايبه مابها ذمه
مثل ما سواها فيه وقته سواها في
الاسباب مختلفه وهمي مثل همه
على واحد لاجابو الناس ذكره لي
صفق قلبي من الشوق له واحترق دمه
كما صفق دلو حدروها وهم ضمي
وقصر حبلها فيها قبل ياصل الجمه
ماغير احدروها واظهروها ماجابت شي
تصافق بها الجيلان والورد ملتمه