أرق تحية للعشااااق ( عناية الأخ دخيل محمد مريط)

[أبوفيصل]

عناية الأخ العزيز ( دخيل محمد بن مريط ) أرجو أن تبلغ له الرسالة ممن يعرف جواله.


أرق تحية للعشاق .........
يا بو محمد طواني العشق في الماضي
خلك تذوق الذي ذاقه محبينك
---
ومن حولك الشيخ بن سرحا وبن ماضي
أشعارهم في الغزل تغنيك في حينك
---
الحب بأيامنا ينشد به الفاضي
ياليت لي فيه قدرة عني آعينك
---
يا بو محمد تراي الشعر لاهاضي
أما رفع رايتك ولاه بيدينك
---
العشق كبه وخلك رجلٍ رياضي
أنا أخبرك لاعب ٍ في ماضي إسنينك
---
وعساي ربي يعوضك كلما عاضي
وتسعد بدنياك باللي تعشقه عينك
---
وإسعد وخلك معاها راشدٍ راضي
ترى المرة جوهرة ومكملت دينك
---
وبشـّـر إذا جا زواجك عني آحاضي
وأبشر بجاهك وسيف العز بإيمينك
---
ولو قلت هذي نصيحة شايبٍ قاضي
فإبحث عن إللي على شفك وتخمينك
---

[ابو محمد ومنتهى وعبدالاله]

يا بو فيصل اتق الله فينا ..


يشهد الله ان كل من يقرأ قصائدك يتمنى ان يكون شاعرا ، لعل الله ان يلهمه ما يلهمك من جزالة القصيده ورقي المعنى وسلاسة الاسلوب وطرق الاهداف بشكل دبلوماسي لايدركه الا كبار ساسة الشعر وعاسفي زمام الكلمه .


اجمالاً .. القول في مدحك - ابا فيصل - لا نهاية له ..


بارك الله فيك وفي صحتك وعملك .


القصيده وصلت الى ( دخيل بن مريط ) والرد في الطريق يسير بسرعه تفوق سرعة الصاروخ .





وطيّب الله ايامك

[ابو محمد ومنتهى وعبدالاله]

وكعادة شاعرنا المتألق / دخيل بن محمد بن مريط بحضوره السريع في المواقف المشرّفه ، فقد استقبلت على جوالي هذا الرد من الاخ/ دخيل رداً على قصيدة شاعرنا الكبير / محمد فائز (ابوفيصل - الجبيل) وها انذا اضعه بين ايديكم حسب طلبه .


يا مرحبا من وساع أصدور أعراضي
يا شاعر(ن) حُط يمنايه في إيمينك
---
لوكان مالك حصانه تنعطى القاضي
واغليك واقدرك من قلب واعينك
---
في بعض الابيات لاوديلك الحاضي
ولفت النظر بعد ما تكثر مداعينك
---
لو كان ماني عن زلات متغاضي
لاصادق الي من العالم معادينك
---
انا دريت انك منت بشاعر أغراضي
وافــي يابوفيصل الله يطول اسنينك
---
حكمّت عقلي قبل ماورد الفاضي
هــذي براهيني وقدم بــــراهينك
---



وطيّب الله ايامكم