مثل امي انه عذاب الروح

[الهيمان]

غرواً نطحني يجـرّ الغـيّ ويـل امّـه
مثل امّي انّه عذاب الـروح مثـل امّـي
عليه لبّسنـي ابليـس الهـوى عمّـة
وابليس من قبـل خالـي وابـن عمّـي
يا ليت من هو تلّين فـي طـرف كمّـه
اليا تمـدّد طـرف كمّـه علـى كمّـي
غروٍ ذبحني وانـا مـن لحمـه ودمّـه
وش بقى للّي ما هو بمن لحمي ودمّـي
لا جيت اخمّـه وقلـت الخمّـه الخمّـه
قال : ابتعد يا ولد بـدري علـى خمّـي
ما يدري انّه خبر ( إن ) مرفوع بالضمّه
يا حلو حلو الخبـر مرفـوع بالضمّـي
يوم انكشف لي نحـره وبانـت الزمّـه
قامت شياطيـن بقعـاء تزمّنـي زمّـي
يا عيـن شيهانـةٍ فـي عالـي القمّـه
قمّت بريشٍ وريش البُـرق مـا قمّـي
لو في بريقعـه رحمـة كاشـف الغمّـة
مـا كـان زوّد سـواد بريقعـه غمّـي
الزيـن اليـا جــاء لـزيـن تـمّـه
والله لولاه حسـن البيـض مـا تمّـي
زيـنٍ عليـه تغيّـر وانعسـر صـمّـه
نسـى ثلاثـة ليـالٍ عسرهـا صمّـي
ومن صار لي في الرخاء عبدٍ وأنا عمّه
لا جاء القسى صرت له عبدٍ وهو عمّي
سقى الله يـوم انـا دلـوٍ وهـو جمّـه
ما قد سقى كبـدي الا صافـي الجمّـي
يـا لعنبـوه ان مدحتـه كنّـي اذمّــه
وغيره تمنّاني اقصـد بـه ولـو ذمّـي
مدري على اسم القمر سمّوه يـا يمّـه
والا على اسم الغضي وجه القمر سمِـي




تحياتي