قصيدة الشاعر: سعود الفهد......بعض الهروج

[ابن ضايح]

قصيده رائعه للشاعر الكويتي /سعود الفهد
أترككم مع رائعته لتستمتعو بها

يقول:


البارحه قامت أفكاري تجاذبني = من هاجسٍ بالضمايرقام يجذبها
بيبان الأشعار لامن ضقت تندبني = أكتب بعضها وبعض حروف ماكتبها

يابندر الوقت بلاشك مرعبني = أحسب الأيام وأغضي عن مصايبها
أفيق من هاجسٍ دايم مناشبني = سود الليالي تجرعني عقاربها

لو أشرح الوضع يمكنك تكذبني = بعض السوالف تحيّر فكر صاحبها
أسمع هروج بعضها مايناسبني = وأغضيت عن كل مخطيها وصايبها

ياخوك بعض الهروج العوج تتعبني = الناس ماتتركك لوّك أمجنبها
الحاقد اللي بليا ذنب حاربني = أدري بناره ولو يخفي لهايبها

يمدحني أن جيت وإن أقفيت عذربني = بعض البشر مهنته يوقد حرايبها
أهديه نفسي لجل أنه يجنبني = أخاف لا طالت السيره نخربها

ماهو صحيبي ولا أرضى إنه يصاحبني = النفس عن مثله أرفعها وأهذبها
أخاف من رفقة الخايب تخيبني = أحسب أمور بعضهامايحسّبها

رفقة هل المعرفه والطيب تعجبني = وإليا جهلت الأمور أنشد مجربها
صديقي اللي ليا زليت عاتبني = وإليا حفظ لي سريره ما يهرجبها

هذاك بالطيب والمعروف يكسبني = وأنا يمينه ليا من حل واجبها
صبري على اللي جرحني مايعيبني = تحشم حثال العرب من شان طيّبها

والله لولا الحيا والحلم قاضبني = أن أفضح السالفه وأذكر سبايبها
لاشك أصبر ولو الصبر متعبني = نفسٍ بلا صبر ماتوفي طلايبها

[الإعصــــــــار]

صح لسان الشاعر
وسلمت يدااااك على النقل ياابن ضايح

[الكنترول]

والله لولاالحيا والحلم قاضبني = ان افضح السالفه واذكر سبايبها
لاشك اصبرولو الصبر متعبني=نفس بلا صبرماتوفي طلايبها

صح لسان الشاعر وتحياتي لك ابن ضايح

[أبو طلال]

ابن ضايح
صح الله لسانك ولسان الشاعر
وتقبل مرور الشايب