شعرا الزاحفين؟؟؟؟؟

[الهيمان]

السلام عليكم ورحمة الله وبركاته

حبيت أجيب لكم هذي الأبيات اللي أعجبتني في

أحد المنتدياات ومن شعراء زاحفيين >> بقووووووه


شاعر ميكانيكي


قلبي قبل فرقاك ما ينقص الزيت **** واليوم أزيده في كل مشوار علبه


شاعر عربجي


الحب قطع قلوب البعارين****حتى الحمير السود يلعن جدفها





وفي هذا البيت أنا أجيز الشاعر فقد عبر عن حبه بصورة شعرية رائعة والقصيدة عموما

جيدة:


يا ليتني في جيبك ريال مقطوع****يبقى معك ما يقبله اي دكان



وهذا مسوي فيها فصيح هو ووجهه :


ان لم تكن في كل الامور ذا عزيمة****فما عندك اليوم ماعند جدتي



وهذا ضايق من حبيبه بجد , الله لا يضيق علينا :


اضيق لي شفتك مع الناس مرتاح ****وارتاح لا ضاقت عليك الوسيعه




إنا لله وإنا إليه لراجعون حتى الموضه دخلت الغرام :


شريت لي ثوبٍ على شان لقياك **** والثوب راحت موضته ما لبسته




صورة شعرية أخرى تجسد الفكر لدى الشاعر:


أحزن على فرقاك مثل الوراعين**** لا مروا الدكان وأسرع أبوهم




وهذا شاعر ينشد به الظهر :


هات الذلول وهات قوطي سفن اب**** نغزي ديار القوم وناكل جلكسي



وهذا يعاني من مشكلة الانشغال على الفاضي :


يامال فرقا العين كان ادفنوني ****وفارقت أنا الدنيا وانا عندي اشغال



وهذا آخذ مقلب بنفسه :


قالت أحبك قلت ماهي غريبه **** سيارتي كشخه وانا حيل مزيون



وهذا حب كهربائي:


أنا رفيقك لا ضرب كهربك شوط **** أفزع بسكروبي وأفك الضفيرة



وهذا الأخ زاحف من جد :


كان الوعد مابيننا حذفة احجار **** ومن كثر شوقي له حذفت وفلقته


وهذا غزل عربجـي :


حبك حشرني حشرة القير باثنين **** الضغط سته والتواير مصاليخ


منقوووووووووول

[الرحال]

ههه

والله زاحفين

تحياتي لك ايها الهيمان

[معاتب]

لا هنت يالهيمان.
أبيات مضحكه ولكن تفتقد لرسالة الشعر ومعناه .
ولن أقول إلا هذا البيت الذي يثبت كلامي.
الشعر ما يصـــبح وسيله وغـــايه 000 إلين تــاصل في الرســـاله معــانيه

[بيوت القوافي]

الهيمان شكر خاص
ابيات ممتعه بعيده عن الروتين والتقيد
طريفه في معانيها تعالج كل مشكله على حده
الف شكر