شيله لم أملها << تجآرب عمـري ,’

[الدبلوماسي]

السلام عليكم ورحمة الله وبركاته

http://www.youtube.com/watch?v=eREGI-fAbXA&feature=player_embedded

سامـرت بـراق شعانـي ضيـه
خارج نطـاق الصـوره الرجعيـه
يجذب سنا نوضه خيـال الضامـي
اللـي يعـس فجـوج الايحائيـه
فان كانه امطر علم يـا عبـدالله
والا اعتبرهـا مـزنـة صيفـيـه
احاول اطوي لك تجارب عمـري
وافل لك مـن مهجتـي مطويـه
عطني من عيونك فديت عيونـك
مسامعك ماهـي عطـا .. عاريـه
لو تعلم أن لي ضحكـة ممزوجـه
مغيب شمس وصبح عيـد ضحيـه
كان امتطيت الجرح يـا خياطـه
حتى تشـوف ابعـاده النفسيـه
استر عن عيون الشماتـه جرحـي
واقول وش هي طعنـة الجنبيـه ؟
اكابر بصمتـي وافـل احجاجـي
والناس ما تدري وش اللـي فيـه
تسمو صروح الراحـه المنشـوده
اللـي بلبنـات التعـب مبنـيـه
مغانـم الدنيـا بحـر مـن دونـه
اتــذود تيـاراتـه المـائـيـة
والادمي حظه على المـاء شوعـي
امـا طبـع و الا سلـم راعيـه
ما يدرك الغايـه سـوى متثبـت
كم روحةٍ ما جـاء بعدهـا جيـه
تبسم ونادى الحيـاه تجـي لـك
واعقد لصلفـات الطرايـق نيـه
واليا طعنت من الخلاف ادري انك
قـدم العـرب والطعنـه الماريـه
لا تعرض الذمه علـى السوامـه
خلوك في رمضا وهـم فـي فيـه
المال لو يشري ضميـر ابـن ادم
ما يشري اقلوب البشـر موليـه
انطقت لك من صمت فكري لوحه
إلـك التأمـل والتـألـم لـيـه
فان غيبت شمسي صروف الدنيـا
انت الرجاء كله وشمسـك حيـه




شيـلة تجآرب عمـري ,’

من كلمآت شـاعر المليون للموسم الرآبع ,,

نآصـر بن ثويني العجمـي

و مـن إداء إلمبدع ’’

سعد اليـامي

//

[الوزن الثقيل]

الدبلوماسي
مشكور على النقل المميز

[بن سرحاء]

يعطيك العافيه

[الدبلوماسي]

الوزن الثقيل & بن سرحاء

شكرا لمروركم على موضوعي وهذا شرف لي ووسام على صدري

[الكنترول]

الدبلوماسي
لاهنت وتسلم على نقلك الجميل
تحياتي لك

[ابو فايز]

مشكور على النقل المتميز يا اخي الدبلوماسي

[بسطويسي]

يعطيكـ العافية .. وموفق في نقلكـ الجميل والرائع..!!

[المعتصم بالله]

الدبلوماسي
بيض الله وجهك على هذا النقل الرائع والله يعطيك الف عافيه

[الدبلوماسي]

شكرا لكل من عطر صفحتي بكلاماته العذبه
والله يعافيكم جميع