(لاجل الغلا)

[قطر الندى]

لاجل الغلا نطوي البيدا ونقطعها
مشاعر الحب لاعنت تعنييني

لاقلت لبيه من ثغرك وانا اسمعها
نسيت بعد المسافه بينك وبيني

ياعشقه الروح ياخيره مطامعها
شوفتك عن باقي الدنيا تكفيني

محبتك من ثلاث سنين زارعها
في شهرسبعه سنة خمسه وتسعيني

وداعه منك وانت اللي مودعها
تجري مع دم قلبي في شراييني

وانته وداعتك روحي لاتضيعها
ضياع ياسر عرفات لفلسطيني

تولعت والله اللي فيك ولعها
والقلب عاشقك قبل تشوفك العيني

النفس تامر وانا ماني بطايعها
الله عن النقد والمنقود يحميني

لو ان كبدي هجير الشوق لايعها
امر عطشان والشيمه تعديني

ام الدلع في ذرى شيخ مدلعها
زيزوم قوم علي الشدات قاسيني

شيخ ليا كبرت القاله يسنعها
ماهي بشيخة ختم والا ملاييني




دمتمـــ بسلاااااااااااااامــ ،،،

[ابو فايز]

مشكووور ويعطيك الف عافيه على الطرح الرائع

[الفاروق]

وانته وداعتك روحي لاتضيعها
ضياع ياسر عرفات لفلسطيني

الابيات هذي ارددها ولم اعرف من قائلها ياليت تكتب اسم الشاعر بارك الله فيك
اشكرك على النقل الرائع

[الكنترول]

النفس تامر وانا ماني بطايعها
الله عن النقد والمنقود يحميني

قطرالندى الله يسعدك

[قطر الندى]

الفاروق

الشاعر هو/ سلطــــــــــــــــــــــــــان الهاجري

[المعتصم بالله]

بيّض الله وجهك على هذا النقل الرائع والله يعطيك الف عافيه

[ابو محمد ومنتهى وعبدالاله]

قطر الندى


بارك الله فيك على هذه المشاركه .

وكم اتمنى ان يكتب اسم الشاعر في حال نفل قصيده له حتى يعرف اسم قائلها .

بيّض الله وجهك ..


وطيّب الله ايامك