قصيدة ساخرة جدا

[بعيد الهقاوي]

يا ونت (البزبوز)لاصب في الجيك&&&ويا ونت الجالون. لاكان فاضي

ويا ونت (الددسن)ليا صكت بريك&&&خبل(ن) محمل فوق ظهرة مقاضي

ويا ونت (القعصة) ليا صكها كريك&&&في يد مريض(ن)بين شلة مراضي

عليك يالي كل ما حل طاريـــــــــــك&&&قام الدجاج!!يبيض والديك هاضي

يا صاحبي يا ماحلا طول..رجليك &&&واسنونك الي زايده في البياضـــي

والله لو تنباع يا زين.. لشريك &&&واهديك كيس شعير واهديك حاضي

واخذك لابها واركبك في التلفريك&&&وان كان ما ودك نرشحك قاضي

بس انتبة لا جاك (؟؟؟)بيرشيك&&&ولا يبي يعطيك صك اعتراضي

تراه يشبه لك وبالذات اذانيك&&&حيث ان اذانيكم جميعا عراضي

لاتستمع لكثر كلامه حذاريك&&&الا اذا كنت ان يا (حمار)راضي

تراه في معظم صفاتك يحاليك&&&وبالذات في نقل الحمول العراضي

اسمع نصيحة يا جحش من يوصيك&&&ولا ترى ننقلك يم .. الرياضـــي