مساجله بين الشاعر ابو فيصل والشاعر النادر

[أبوفيصل]

بسم الله الرحمن الرحيم


رساااالة مَحَبَّة




هذه الأبيات إهدااااء للغالي الشاعر ( النادر ) حيث سعدت برسالته المعبرة ودعوته الكريمة لزيارته بالجنوب ونبل مشاعره .


************




يالنادر اليوم جاني منك مرسولك


شهم كريمٍ وفيٍّ عندنا غالي


---


أراك مثل العلم والناس من حولك


والنور من فوق رأسك يشعل إشعالي


---


أنا أتمنى وربي ساعة وصولك


لكن بعد المسافة قصر إحبالي


---


شرواك يجلى همومي لو بمرسولك


ويجلى الهواجيس ذا قد ضيقت بالي


---


من نسل شيخٍ كريمٍ بانت فعولك


رجمٍ عظيم المهابة شامخٍ عالي


---


هذي تحية محبٍ شرّفه قولك


والدعوة الغالية فخرٍ تهيالي



---------------


محبكم أبوفيصل 23-24-01/1432هـ.

[الكنترول]

ابوفيصل صح لسانك وبيض الله وجهك
النادر يستاهل هاذه الابيات الجميله

[النادر]

تحياتي لك ياابا فيصل وهذه الابيات تبشر باالخير ولاكن اعجل قبل ينتهي الربيع واتمنى قبول
الرد على هذه الابيات التي هي وسام على صدري لانها من الشاعرالمتألق ابو فيصل من محبه



يامـــرحبا عــد منهم بلغلا ارهــولك
اعــــداد وبلن مــن المنشاء تهيالي



ارسلتلك يبن سرحاء شفي اوصولك
وافرح بجيت صليب الراس لاجالي



فلبغا عــــذر لااتعـــذر مـن ينادولك
لانك تعـــرف الغــلاء يشهم ياالغالي



ورسالتك ذي تبـــشر شوفتي زولك
وابــاتحـــرى عــــساك ادق جــوالي



يفــداك مــن يكرهك الافداء ارجـولك
الافـــداء عــزوتـــك ياطــيب الـفـالي



لاكـــن تعــجل رضى ناسن تحـرولك
وابشــر بــوسع الصدر والهم ينزالي

[الوزن الثقيل]

ابو فيصل
النادر

أبيات رائعه لا تطلع
ألا من شعراء متمكنين وأنتم تملكون كل
الإبداع والتميز صح الله السنتكم وعلا شأنكم

[بن ناصر]

شرواك يجلى همومي لو بمرسولك


ويجلى الهواجيس ذا قد ضيقت بالي




ابوفيصل صح لسانك وبيض الله وجهك
النادر يستاهل هاذه الابيات الجميله

[سمو المجد]

صح الله اللسانك يا أبو فيصل
شاعر وأديب وناقد ومبدع وجزل

وصح الله اللسان النادر
شاعر متمكن وموهوب ونادر وجزل
أبيات تستحق الأشاده وشهادتي فيكم مجروحه
بيض الله وجيهكم
لــــكــــم مـــــنـــــــــي أجــــــــــمــــــــل تـــــــحـــــــــيــــــــه

[أبوفيصل]

بسم الله الرحمن الرحيم

كل المحبة والغلا والتقدير وفااائق الإحترااام للإخوة :
الكنترول - النادر - الوزن الثقيل - السفاح - سمو المجد
وأشكركم على هذه الإشادة الغالية وصح الله ألسنتكم ويشرفني مروركم الكريم.

الرد:

يا بو علي وافيٍ قصدك ومضمونك
ما أستغرب الطيب من شرواك لامثالي
---
تقدر وأنا أستاهله والطيب بفعولك
مرسى الكرم والشهامة طيب الفالي
---
كم مرةٍ كنت آمني النفس بوصولك
وشرواك حاضر مع حلي وترحالي
---
ولي ذكرياتٍ مع أهل الأرض ذا حولك
أرض الجنـــوب العذيــــــة تشرح البالي
---
لكن حملي كبير إن خفت إحمولك
والثلب ما عاد يقوى كثر الأحمالي
---
فيا الله ترهي علينا الغيث بفصولك
وينزل على أرض الحفر مزنٍ وهمالي
---
وتجمع ربوعٍ لنا غالين بفضولك
والشيخ في مقدم الغالين جوالي
---
ويلتم شمل الغلا وتزين بحصولك
وأراك بين الرفاقة دالهٍ سالي
---
فيا ماحلى إقبالة الغالين لا جولك
وسجيت في خبتٍ أخضر بالخلى الخالي

24/01/1432هـ.

[ابو باسم]

لا أجد لكم عندي سوى عدد من الكلمات (مبدعين - متميزين -جزلين - رائعون)

شكراً ابو فيصل شكراً النادر لكم مني اجمل التحايا

[ابو محمد ومنتهى وعبدالاله]

طيّب .. طيّب .. طيّب

صحت السنتكم ( وما فيكم حيله ) .

واعتقد انها قامت بين ( اهل الشرقية ) و( اهل الخميس ) .
واهل الوسطى مستمتعين بهذا الابداع من اهل الابداع ومنابع التميز .

انا متابع ومتابع ومتابع (رغم خذلان النت ) .

وطيّب الله ايامكم