قصه وقصيده لشاعر راشد بن حسن

[ابن عميش]

الولد وان طاب طيبه من خواله
وان تردى فعلم انهم خايبينـي
أشرب الفنجال واكـب البيالـة
طيبٍ واحـب سلـم الطيبينـي




[[[السلام عليكم ورحمة الله وبركاته ]]]


من لا يعرف .. هذين البيتين .. بيتين أشهر من نار على علم ..



قد يجهل البعض قائلهما .. ولكن اكيد سمع بالبيتين من قبل ..



حتى اصبح مضرب مثل يتداوله كثير من الناس ..



قائل هذين البيتين ..



الشاعر / راشد بن حسن بن مانع بن رحيان الضاعني الملقب بــ ابن الذيب
وقيل انه توفي عام 1986م وهو في نجران وكان شايل معه شخص موصله الى قرية في نجران وحصل عليهم حادث وتوفي رحمه الله ..



راشد بن حسن .. كان يشتغل في شركة ارامكوا السعوديه .. وكان يقود سيارة الشركه ( جمس ارامكوا ) ..
وكان كل ما شاف له رجلي والا طرقي على الخط يبي احد يوصله يقوم ابن الذيب ويوصله بدون مقابل على سيارة الشركه حتى اشتهر عند البدوان لا جا احد يبي يروح مكان ولا عنده مطيه والا موتريمشي في طريقه ويقول عسا يلقاني ( ابن الذيب ) على الطريق والا انا القاه ..



ويشيلني ويوديني للمكان اللي انا ابيه .. حتى قاموا الناس يطرونه ويحكون فيه وهم لا يعرفونه ولا قد شافوه ..



جاء يوم من الايام الا عجوز وعندها غنم تعد على الاصابع و ( راشد بن حسن ) .. كان مشغول ومتأخر على الدوام شوي



وشاف العجوز وشاف معها غنم تعداها وهملها .. عقب حزت في خاطره واستحى وراعي الطيب ما يجوز عن طيبه وقف الموتر ورجع للعجوز ..



يوم جاها قالها يامره انا ابشيلك وبوديك المحل اللي تبينه لكن بدون غنمك .. انا متأخر على الدوام واخاف غنمك تأخرني زياده ..



قالت له العجوز .. خلاص رح الله يستر عليك ياولدي



انا جالسه هنا انتظر ابن الذيب



هو اللي بيجيب العلم وبيوصلني المكان اللي انا ابيه انا وغنمي .. وهي ما تعرفه .. ولا تدري انه
( ابن الذيب ) .. هو نفسه اللي هي تكلمه ..



يوم انصدم ( راشد بن حسن ) بقولها .. وتعجب !!



قال اركبي يا خاله انا ( ابن الذيب ) وابشري بعزك ..



ابوصلك انتي وغنمك ..



وكانت انظمة ارامكو تمنع السائقين ان يشيلو الرجليه اللي يوقفون السواقين ويطلبونهم توصيلهم على طريقهم .. وشلون توصيل الغنم
حتى وصل علم .. للشركه بفعل ( راشد بن حسن ) .. وهدد بالفصل من الشركه اكثر من مره .. وبعض رؤسائه يأسوا من المحاوله معه .. واعجبتهم شهامته..



وصل العجوز إلى منصاها والمكان اللي تبيه ..



وقال هذهـ القصيده .




قالها ابن الذيب من هاجوس بالـه
كلمةٍ يلعـب بهـا والبـال زينـي
قالهـا يومـه طرالـه ماطرالـه
من هواجيسٍ تشيـب المرضعينـي
حالفٍ ماخذ على الطرقـي ريالـه
وبالثـلاث محـرم أنـه مايجينـي
لالقيت اللي على ( السكه ) لحالـه
يلتفت ويقـول ويـن المستحينـي
أوقف الموتر حيا وأبـي الجمالـه
يوم ولد الـلاش وجهـه مايلينـي
الطمع في كـروة الرجلـي رذالـة
خص وان جابه مجـال الغانمينـي
والردي في حالـةٍ ماهيـب حالـه
واعوينـه مـن كـلام الطيبينـي
الردي لـو بـان مايذكـر عمالـه
مايعد الـلاش مقصـور اليمينـي
أركبه لعيـون مـن زيـنٍ دلالـه
ماتحاكـوا فـي قفـاه الرامسينـي
مابغى غيري وانـا مابغـى بدالـه
قاعدٍ لـي بالرجـا مـدة سنينـي
الصبي وان طاب طيبه من خوالـه
بالخـوال يسـال قبـل الوالدينـي
أشـرب الفنجـال واكـب البيالـة
تابـعٍ سلمـي سلـوم الأوليـنـي
ولاقعدنـا بالعمـل بنـا الرزالـة
ناخـذ العليـا طريـق الفايزينـي
غرني بعض الرجـال بكثـر مالـه
مادرى ان الموت في حبل الوتينـي
كيف ينفعني وابا(..........) خالـه
مايقوم البيـت دام السـاس طينـي
ماش وين اللي عوايـده الجمالـة
مثل ابن ظافر حمـد ليتـه يجينـي
الثنـا والجـود دايـم فـي خيالـه
علمـه ظافـر سلـوم الطيبينـي
جـوّد العليـا ولزمّهـا عيـالـه
وادركوا من علمتـه دنيـا ودينـي
واهني من باع حظه واشترى لـه
وسار في درب النبي وأخزى اللعيني
موقفـه ماكـل رجــال ينـالـه
من بغى ممشـاه يقعـد مرتينـي
كم ذبح من حايلٍ مـن حـر مالـه
وعادته لطمـة خشـوم العايلينـي





.




صراحه من اجمل ما قرائة من القصص والابيات الشعريه

لله دره من رجل وجعل الجنة مثواه


خالص تحياتي
.

[السهم القاتل]

اشرب الفنجال واكب البياله طيب وحب سلم الطيبيني
ابن عميش تقبل مروري

[ابو محمد ومنتهى وعبدالاله]

الصبي وان طاب طيبه من خوالـه
بالخـوال يسـال قبـل الوالدينـي


ابن عميش .. انا ما اعرفك شخصياً .
ولكن .. اشهد بالله ان طيبك وعلمك الغانم واضح في كل ما تكتب في هالمنتدى ، والبيت المقتبس - اعلاه - ينطبق عليك .



أركبه لعيـون مـن زيـنٍ دلالـه
ماتحاكـوا فـي قفـاه الرامسيني

مابغى غيري وانـا مابغـى بداله
قاعدٍ لـي بالرجـا مـدة سنيني


صحيح ان هذه المناسبة هي المناسبة للقصيده .

ولكن .. لو نظرت للبيتين المقتبسه فاعتقد ان للشاعر مغزى ثاني ، والله اعلم .

طبعاً قصيدة شهيرة وخصوصاً البيت ( الولد وان طاب طيبه من خواله ) فكل الناس تعرفه ، لكن كما ذكرت - حفظك الله - الكثير لا يعلم القائل او المناسبة .

وسؤالي : هل راشد بن حسن هو والد الشاعر المعروف ( محمد ابن الذيب ) ؟


وطيّب الله ايامك

[ابو باسم]

موضوع جميل عن شاعر كنا نسمع بأبياته ولانعرف قائلها وهنا وجدنا ضالتنا

ابن عميش لاعدمناك يالغالي كم أنت رائع

[بن ناصر]

موقفـه ماكـل رجــال ينـالـه
من بغى ممشـاه يقعـد مرتينـي



مشكووووووووووور

[حلافي وطبعي وافي]

ابن عميش مشكور
تقبل مروري

[ابن عميش]

مديرنا الغالي شهاده اعتز بها اسئل المولى عز وجل لك التوفيق
السهم القاتل
ابوباسم
السفاح
حلافي وطبعي وافي
شكر الله لكم واسعد الله ايامكم

[أبوفيصل]

أبن عميش سلمكم الله

كلام مديرنا الغالي والأخوة المعلقين على الموضوع لم يترك لي مجال
للتعليق....

القصيدة واضحة وكبيرة جداً قالها شاعر متمكن وبحر ......

أشكرك على هذه الرائعة وصح لسان قائلها .........

[ابن عميش]

ابوفيصل مرورك شرف لي اسعد الله ايامك

[نصف الدرب]

ابن عميش السلام عليكم ذكر الفرايد عادة المتفردين بكل جميل
قصة وقصيدة ابن الذيب من الفرايد في الادب وقد احسنت
لكن اعذرني لو عقبت وضفت فقط للفائدة هناك ثلاث نقاط رايح اشيرلها
الاولى. شطر البيت الذي كان الاغلبية يتناقلونه خطاء الذي يقول
( وان تردوا فأعلم انهم خايبيني ) وصحيح يقول
( بالخوال يسال قبل الوالديني)
الثانية ترتيب القصيد لم تكون مثل ماذكرت وأكيد العتب على من نقلها لك وانت معذور وماقصرت ,,,,,, وترتيب القصيدة كتالي ويمكن بانني كذالك مخطي لكن التقصير لا ياتي متعمد لامني ولامنك
قالها ابن الذيب من هاجوس بالـه
كلمةٍ يلعـب بهـا والبـال زينـي
قالهـا يومـه طرالـه ماطرالـه
من هواجيسٍ تشيـب المرضعينـي
غرني بعض الرجـال بكثـر مالـه
مادرى ان الموت في حبل الوتينـي
كيف ينفعني ( وبعض الناس) خالـه
مايقوم البيـت دام السـاس طينـي
ناس وين اللي عوايـده الشكالـة
مثل ابن ظافر حمـد ليتـه يجينـي
الثنـا والجـود دايـم فـي خيالـه
علمـه ظافـر سلـوم الطيبينـي
جـوّد العليـا ولزمّهـا عيـالـه
وادركوا من علمتـه دنيـا ودينـي
واهني من باع حظه واشترى لـه
وسار في درب النبي وأخزى اللعيني
موقفـه ماكـل رجــال ينـالـه
من بغى ممشـاه يقعـد مرتينـي
كم ذبح من حايلٍ مـن حـر مالـه
وعادته لطمـة خشـوم العايلينـي
حالفٍ ماخذ على الطرقـي ريالـه
وبالثـلاث محـرم أنـه مايجينـي
لالقيت اللي على ( السكه ) لحالـه
يلتفت ويقـول ويـن المستحينـي
أوقف الموتر حيا وأبـي الجمالـه
يوم ولد الـلاش وجهـه مايلينـي
الطمع في كـروة الرجلـي رذالـة
خص وان جابه مجـال الغانمينـي
والردي في حالـةٍ ماهيـب حالـه
واعوينـه مـن كـلام الطيبينـي
الردي لـو بـان مايذكـر مجالـه
مايعد الـلاش مقصـور اليمينـي
أركبه لعيـون مـن زيـنٍ دلالـه
ماتحاكـوا فـي قفـاه الرامسينـي
مابغى غيري وانـا مابغـى بدالـه
قاعدٍ لـي بالرجـا مـدة سنينـي
الولد وان طاب قالوا من خوالـه
بالخـوال يسـال قبـل الوالدينـي
أشـرب الفنجـال واكـب البيالـة
تابـعٍ سلمـي سلـوم الأوليـنـي
ولاقعدنـا بالعمـل بنـا الرزالـة
ناخـذ العليـا طريـق الفايزينـي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
ثالثا العلم الجميل والمفخرة عند ماتنتشر ويذيع صيتهاكلا يتمنى ان يكون طرف فيها او حتى تكون باسم احد من قبيلة ......حيث عندما ذاع صيت قصيدة ابن الذيب وذكر فيها اسم رجل فيه خير من اهل البحرين يقال له حمد بن ظافر جاره شاعر اخر يقال له مسعود بن عنبر يثني على رجل كريم يقال له عبدالله بن حسين الزعبي
قال ...
راكبلي لا مشى تومي حباله /
لازما راس المثل مرة بحيني
نصه ابن الذيب خبرنا بحاله /
عندنا مثله عيالٍ طيبيني
منهم ابن حسين يفعل ماطراله /
يركب الرجلي وهيف لسميني
وكم نقل من خبُرت من حر ماله /
لا لقاهم بالخلا متعطليني
ضوهم ضوه ودلتهم دلاله /
وشوف عيني واشهدوا ياحضريني
جعل يفداه الردي راعي البياله /
شارب الشاهي وربعه جالسيني
ـــــــــــــــــــــــــ
هذا ماحبيت امر به وتقبلوا مروري

[ابو محمد ومنتهى وعبدالاله]

ابن عميش السلام عليكم ذكر الفرايد عادة المتفردين بكل جميل
قصة وقصيدة ابن الذيب من الفرايد في الادب وقد احسنت
لكن اعذرني لو عقبت وضفت فقط للفائدة هناك ثلاث نقاط رايح اشيرلها
الاولى. شطر البيت الذي كان الاغلبية يتناقلونه خطاء الذي يقول
( وان تردوا فأعلم انهم خايبيني ) وصحيح يقول
( بالخوال يسال قبل الوالديني)
الثانية ترتيب القصيد لم تكون مثل ماذكرت وأكيد العتب على من نقلها لك وانت معذور وماقصرت ,,,,,, وترتيب القصيدة كتالي ويمكن بانني كذالك مخطي لكن التقصير لا ياتي متعمد لامني ولامنك
قالها ابن الذيب من هاجوس بالـه
كلمةٍ يلعـب بهـا والبـال زينـي
قالهـا يومـه طرالـه ماطرالـه
من هواجيسٍ تشيـب المرضعينـي
غرني بعض الرجـال بكثـر مالـه
مادرى ان الموت في حبل الوتينـي
كيف ينفعني ( وبعض الناس) خالـه
مايقوم البيـت دام السـاس طينـي
ناس وين اللي عوايـده الشكالـة
مثل ابن ظافر حمـد ليتـه يجينـي
الثنـا والجـود دايـم فـي خيالـه
علمـه ظافـر سلـوم الطيبينـي
جـوّد العليـا ولزمّهـا عيـالـه
وادركوا من علمتـه دنيـا ودينـي
واهني من باع حظه واشترى لـه
وسار في درب النبي وأخزى اللعيني
موقفـه ماكـل رجــال ينـالـه
من بغى ممشـاه يقعـد مرتينـي
كم ذبح من حايلٍ مـن حـر مالـه
وعادته لطمـة خشـوم العايلينـي
حالفٍ ماخذ على الطرقـي ريالـه
وبالثـلاث محـرم أنـه مايجينـي
لالقيت اللي على ( السكه ) لحالـه
يلتفت ويقـول ويـن المستحينـي
أوقف الموتر حيا وأبـي الجمالـه
يوم ولد الـلاش وجهـه مايلينـي
الطمع في كـروة الرجلـي رذالـة
خص وان جابه مجـال الغانمينـي
والردي في حالـةٍ ماهيـب حالـه
واعوينـه مـن كـلام الطيبينـي
الردي لـو بـان مايذكـر مجالـه
مايعد الـلاش مقصـور اليمينـي
أركبه لعيـون مـن زيـنٍ دلالـه
ماتحاكـوا فـي قفـاه الرامسينـي
مابغى غيري وانـا مابغـى بدالـه
قاعدٍ لـي بالرجـا مـدة سنينـي
الولد وان طاب قالوا من خوالـه
بالخـوال يسـال قبـل الوالدينـي
أشـرب الفنجـال واكـب البيالـة
تابـعٍ سلمـي سلـوم الأوليـنـي
ولاقعدنـا بالعمـل بنـا الرزالـة
ناخـذ العليـا طريـق الفايزينـي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
ثالثا العلم الجميل والمفخرة عند ماتنتشر ويذيع صيتهاكلا يتمنى ان يكون طرف فيها او حتى تكون باسم احد من قبيلة ......حيث عندما ذاع صيت قصيدة ابن الذيب وذكر فيها اسم رجل فيه خير من اهل البحرين يقال له حمد بن ظافر جاره شاعر اخر يقال له مسعود بن عنبر يثني على رجل كريم يقال له عبدالله بن حسين الزعبي
قال ...
راكبلي لا مشى تومي حباله /
لازما راس المثل مرة بحيني
نصه ابن الذيب خبرنا بحاله /
عندنا مثله عيالٍ طيبيني
منهم ابن حسين يفعل ماطراله /
يركب الرجلي وهيف لسميني
وكم نقل من خبُرت من حر ماله /
لا لقاهم بالخلا متعطليني
ضوهم ضوه ودلتهم دلاله /
وشوف عيني واشهدوا ياحضريني
جعل يفداه الردي راعي البياله /
شارب الشاهي وربعه جالسيني
ـــــــــــــــــــــــــ
هذا ماحبيت امر به وتقبلوا مروري


اسعد الله اوقاتك نصف الدرب

وانا ارفع قبعة الاحترام لمثل هذه المداخلة النموذجية المثالية المثرية الرائعه .


وطيّب الله ايامك

[سمو المجد]

قصيدة جزله من الشاعر المعروف أبن الذيب
في الحقيقة الأبيات هذي نسمع فيها ونرددها منذو زمن طويل
ولا نعلم من قائل هذة الأبيات قبل النشر
وهذا يحسب للشاعر عندما يردد أبياتة القوية والجزله
الصغير والكبير وهذا يدل لوصول ابيات الشاعر الى قلوب الناس على مرور الزمن
فأشكر صاحب الطرح الجزل أبن عميش الذي عودنا على الطرح المميز
وكذلك أشكر الأخ المبدع ( نصف الدرب ) للإضافة الرائعة
للموضوع فله فائق أحترامي وجزيل شكري

[ابن روق]

الله يعطيك العافية على هذه القصة

والقصيدة الرائعة

[الصاروخ]

الله يعطيك العافيه على هذا الطرح المميز قصه جميله وابيات جزيله

[ابن عميش]

ابن عميش السلام عليكم ذكر الفرايد عادة المتفردين بكل جميل
قصة وقصيدة ابن الذيب من الفرايد في الادب وقد احسنت
لكن اعذرني لو عقبت وضفت فقط للفائدة هناك ثلاث نقاط رايح اشيرلها
الاولى. شطر البيت الذي كان الاغلبية يتناقلونه خطاء الذي يقول
( وان تردوا فأعلم انهم خايبيني ) وصحيح يقول
( بالخوال يسال قبل الوالديني)
نصف الدرب مرحبا بك وبيض الله وجهك مرورك بحد ذاته شرف لي
الثانية ترتيب القصيد لم تكون مثل ماذكرت وأكيد العتب على من نقلها لك وانت معذور وماقصرت ,,,,,, وترتيب القصيدة كتالي ويمكن بانني كذالك مخطي لكن التقصير لا ياتي متعمد لامني ولامنك نصف الدرب القصيده نقلتها كما سمعت انا من احد الاخوه ولكن ربما ماذكرته انت هو الصحيح لك الشكر والتقدير
مديرنا الغالي
سمو المجد
ابن روق
الصاروخ
شكر الله لكم واسعد الله ايامكم

[السهم القاتل]

ابن عميش مشكور ولكن مداخلت الاخ نصف الدرب جعلتنا في حيره من امرنا كي لم نعرف من هو صاحب البصمه منكم والاقرب لصواب حيث ان مداخلت نصف الدرب لم يكن متأكد منها نرجو منكم ان تتفقوا وان تفيدونا في امرنا او من كان لديه درايه في الموضوع ان يتداخل معنى للفائده ولكم مني جزيل الشكر