تحدنا الاشغال منا ومنا

[بعيد الهقاوي]

قصيدة رائعة للشاعر/سعود الدهيمـــــــــــــــــــي
تسوقنا الدنيا على غير مشهاه***وتحدنا الاشغال منا ومنا
عن صاحب رغم البطى ما نسيناه***لو راحت ايام السنة ما اتصلنا
يا صاحبي يا طيب الصيت والجاه***العفو منك والمعاذير منا
حنا بذلنا جهدنا الي قدرناه***ولا جت لنا الدنيا على ما تمنا
اليا اعترض سيل صغير وقطعناه***لا عقبة السيل الكبير انتثنا
ولا ترانا صاحب الجنب نرقاه***ما تنقل له هرجة الشين عنا
نضيق من ضيقه ونرضا من رضاه***ولا نعدة غير رجال منا
طبع لنا من رووس هلنا ورثناه***وبنموت ما ماتت مذاخير هلنا
من يستحق مواصل الطيب نرعاه***ونواصلة حتى ولو ما وصلنا
نقدر ظروقة وندمح خطاياه***ونجاملة لين يتفارق ضعنا
اليا اتصل لا بد نضحك محياه***ونذكره بالطيب كنتم وكنا
واليا انقطع من قو ظرفة عذرناه***ما نشغلة ونقول حنا وحنا
نبا اليا منا خطانا ارتكبناه***وقفت بنا دنيا الشقا ما ذهنا
نجيه با عذار الوجية المسماه***ونقول كل من ظروفة معنا
ويقول معذورين والجاه بالجاه***لين يقرب شامنا مع يمنا
شرواك يا من تكسب الطيب يمناه***يا صاحب جنة المشارية منا
قل اتصالي حد قلبي على اقصاه***وغلاه نادى هاجسي له وغنا

[معاتب]

الله عليك .. يابعيد الهقاوي .. سلمت أناملك وصح لسان شاعرها .
بما اني ارى انك من محبي الشعر والمهتمين به فآمل أن أرى لك قصيدة لك انت
وأن تدرجها بمنتدى الإبداع الشعري مراعاة للإختصاص لأنك مبدع يا بعيد الهقاوي .
شكرا لك.

[مطر الليل]

بعيد الهقاوي

الله يعطيك العافيه.....وكما قال اخي الغالي معاتب.....

اتمنى ان ارى لك قصيده في الابداع الشعري ...وانا اقدم هذا العرض لك ولايدري معاتب

اشكرك من الاعماق

[بعيد الهقاوي]

الله يعطيكم العافية يا اخ/ معاتب ويا اخ/ مطر الليل لكن انا احب الشعر ومن متذوقين الشعر ولكن للاسف لست شاعرا ولكن اعدكم بانتقاء اجمل القصائد وطرحها في هذا المنتدى الرائع

[حلافيه والفخر ليه]

بعيد الهقاوي
يالروعة ابياتك المطروحه
ابدعت في طرحك ننتظر القادم من قلمك المبدع