يقولون وكر الحر مايعتليه البوم **ونا شوف عيني وكرحر تحت بومه

[أبو طلال]

يقولون مال العبد بدّعلى المقسوم
وانا اقول صح ويقنع العبد مقسومه


عسى الله يعين اللّي توافد عليه هموم
هموم تخلي طبلة الراس منجومه


ترا والله انه مايكدر عليك النــــوم
سواء كلمةٍ من بعض الاصحاب مسمومه


ليا جت من الغالين والا الرخوم رخوم
والا محق من الغالي ليا شانت علومه


ضعاف الروابع تبتلش والقروم تشوم
ولا هي ليا شامت من الشين مليومه


ولا ازين من القاع الخلا والوجيه سلوم
ولا رفقةٍ مع طول الايام ملغومـــه


ولا الذّمن عشرة شريف من اقصى القوم
يبادلك فعل الطيب معناه والسلومـــــــه


ولا شفت في وجه الصداقه غبش وغيوم
عطيت الدروب اللّي مع الارض مرسومه


ولا مثل عز النفس لو ما معك مطعوم
وعن أهل الشماته خل الاسرار مكتومه


معي !! لو سمحت اشوي بعده عداك اللّوم
أبعطيك عن بعض الرجاجيل معلومـــــــه


ترا اللا ش لو وقف معك في حياته يوم
تشوف الرداء متبين فيه من يومــــــه


وانا أقول لا ون في وجيه الرجال وسوم
عرفنا نميز قيمة النذل بوسومــــــــــه


علشان نجلس مع رجال الوفاء ونقـــوم
ونبعد من اللّي عند الاجواد مذمومــــه


وانا اسمع مع اهل التجربه في الحياة اعلوم
بعضها صحيح وبعض الاخبار موهومـــــه


يقولون وكر الحر مايعتليه البـــــــــــــــوم
وانا شوف عيني وكر حر تحت بومـــــــه



لشاعر راجح العجمي

[أبوفيصل]

أبوطلال

عودنا الكبير في قدره وإختياره وإبداعه


نعم الشاعر راجح علم من أعلام الشعر النبطي وأنت جدير بحسن الإختيار وموفق.......


لافض فوك ولا راجح العجمي....

[الزلزال]

ابوطلال اشكرك على الطرح وصح الله لسان الشاعر/راجح العجمي

[بن ناصر]

لاهنت ياعودنا المحبوب

[مــحــمــد]

الله يبّض وجهك يابو طلال وأنت نقلت لنا قصيدة جميلة جداً من شاعر عملاق بحجم راجح بن سالم العجمي وفي الحقيقة أنا أحببت هذه القصيدة منذ سمعتها منه شخصياً لأول مرة في الأمسية التي في الفوّهة وكثيراً ما أتغنى بها.

[ابو فايز]

صح الله لسان قايلها وعلا شأن ناقلها..

[أبو طلال]

ابوفيصل
الزلزال
ابوفايز
السفاح
محمد
اشكرلكم مروركم الذي يشرف العود
ويسعده عندما يرى تلك الاسماء الغاليه
متواجده في متصفحه تحياتي وتقديري لكم جميع