بعد وفاة فيصل الرياحي

[الشقاوي]

الـــــــــــــــــــــــــــــــــبدع
سلطان الهاجري


نسبة الشك ماتلحق مداك ومداي
يابعيد النظر خلك بعيد النظر
عظم الله عزاك وعظم الله عزاي
في زميل القصيد وفي صديق العمر
مير بعطيك راي واستمع منك راي
بعد اخذنا من الدنيا دروس وعبر
كل قصدي بها الدنيا وغاية مناي
في بداية عمر والا نهاية عمر
أشعر اني كسبت رضى جميع أزملاي
وارجو ان المواصل بيننا يستمر
احتفظ في غلا اصحابي وتحفظ غلاي
لي وقار وقدر ولهم وقار وقدر
كم زميل (ن) رحل عنا ماعاده بجاي
غيّبته المنيه والقضاء والقدر
واتمنى من اصحابي تلبي نداي
ولك سلامي يابو فيصل والشكر



الـــــــــــــــــــرد
حبيّب العازمي


ياحميد السجايا ليش تبحث خفاي
وأنت عني عن الاحوال عندك خبر
تعلم اني عن الزلات اقصر خطاي
واحتفظ بالمروه لو ادوس الخطر
نظرتي للأمام ولا التفت وراي
وكم تجي زله وارمي بها في بحر
والله اني حزين ومن عناي وشقاي
أحضر اغياب اخويه عقب موته حضر
إيه اخويه لو ماصدقوه اعداي
عشرة العمر اخير من الذهب والدهر
مير يابو محمد وانت قمة رداي
دام شرواك حي ولي الفخر وافتخر
نية الخير ارضي والمروه سماي
وابتدي بالنجوم ليّا بدت والقمر
وانت راس المروه وانت اعز اصدقاي
وانت سلطان بن وسام بالمختصر



تقبلوا خالص تحيات
الـــشــقـــاوي

[وجه السعد]

الشقاوي... يعطيك العافيه وصح الله لسان الشاعرين وسلمت يد من نقلها
اخوك وجه السعد

[ابو ريان]

الشقاوي شكراً لك ومجمل ومشكور
صحت لسان الشاعرين العمالقه
ورحمة الله على فيصل الرياحي

[أبو أميره]

الشقاوي

الله يجعل ايامك كلها افراح على ما تتحفنا به من جديد قصايد الشعراء العمالقه والساحه الشعريه فقدت ركناً من اركانها بعد وفاة الشاعر / فيصل الرياحي

تقبل تحياتي

[الســــــــيل]

الشقاوي
يعطيك العافيه على النقل
وصح لسان الشاعرين
ورحم الله الشاعر / فيصل الرياحي

[الشقاوي]

وجه السعد
سكر زياده
أبو أميره
الســــــــيل
الله يعافيكـِم
ذائقتي لا تبحث الا عن ما يرضي غرور ذائقتكم

و لعل اختياراتي كتواجدكم في روعته

شاكر مروركم و تواجدكم الذي اسعدني

الشقاوي

[بعيد الهقاوي]

بيض الله وجهك يالشقــــاوي على النقل المتميز

[ابو سعود]

الشقاوي

لاهنت وماقصروا في كلماتهم للرياحي عليه رحمة الله

تقبل مروري وجزيل شكري

[الشقاوي]

يعيد الهقاوي
اسعدني تواجدك كثيرا
ابوسعود
دم للمنتدى عطر كلامك

[الفتى الذهبي]

الشقاوي بيض الله وجهك على النقل الرائع واسال الله ان يرحم فيصل الرياحي برحمته

[الشقاوي]

الفتى الذهبي
ووجهك يا غالي

وتسلم على هالمرور الرائع و دائماً الابداع نلتمسه منكم