مدغم ابوشيبه

[الشقاوي]

«۩العيون الشقاويه۩»


يــاوجـــود الــلـــي عــيــونــه شــقــاويّــه
مـــرّهـــا حـــلــــو الــمــنـــام وتــعــداهـــا

كــــن بــيـــن جـفـونـهــا جــمـــرةٍ حــيّـــه
مـايـطـفـيــهــا ســهـــرهـــا ولا مــــاهـــــا

بـيّــتــه لــيـــل الـشــتــا فــابـــو حــدريّـــه
واحـتـداه و حـــد نـفـسـه عـلــى أقـصـاهـا

مـشـكـلـة بــعــض الــصـــدور الـجـنـوبـيّـه
لــــو تـجـيـهـا دمــعـــة الـطــيــر تـمــلاهــا

الــعــوامـــل والــــضــــروف الـطـبـيـعــيّــه
غـــيّـــرت مـــجـــرا زمــنــهــا ومــجــراهــا

يــاوجـــود الــلـــي عــشـــق لـــــه (....!!)
فـــي صــــلات الــرحــم مــاهــوب ويــاهــا

مـــن تـحـبّـه لـــو تـحـبّــه عــلــى الـنـيّــه
بــرّكــت بـأقـصــى ضـلــوعــه مـطـايـاهــا

ذوقـتــنــي هـجــرهــا ثـــانـــي ضــحــيّــه
و اصطـلـت روحـــي عـلــى حـــر فـرقـاهـا

طـيّــرت مـــن غـصــن الاشـــواق قـمـريّـه
ورهـنـتـنــي فـــــي هــواهـــا ولامـــاهـــا

حــايــلٍ مــــن دونــهــا حــــول وشــويّـــه
مــــيــــر مالله حــــايــــلٍ دون ذكــــراهــــا

كــــل حــاجــه بـاقــيــه مــثـــل مـاهــيّــه
مــاســرا مـعـهــا عــلــى درب مـســراهــا

كــود عـضــوٍ (فـــي جـهـتـيّ الشمـالـيّـه)
فــــاع مــــن عــــوج الـحـنـايــا وخــاواهـــا

ودمـــعـــةٍ نـطّـحـتـهــا راحــــــة ايـــديّــــه
( افففف ) ياماحرّها و ( احححح ) مقساها

حـوّلـتــهــا يـــــــوم قـــالــــت وداعـــيّــــه
و استـبـاحـت سـتـرهــا فــــوق مـاطـاهــا

حـيـلـتــي لاهــبـــت الـــنـــود عــصــريّــه
قــمــت مــــع كــــل الـجــهــات آتـحــراهــا

وأمــســت الـفـرحــه يـتـيـمـه ومـنـسـيّــه
فـــي عـيــون حــرقــة الــوجــد تـصـلاهــا

عـــن خـديـنـات الـتــرف نـفـسـي امـعـيّــه
لــــو تـجـيـنـي مـثـلـهـا كـنــهــا ايــاهـــا !!

مـــن غـــدت مـنــه ( الـذلــول العمـانـيّـه )
مـاتـعـوضــه ( نـــاقـــة الله وسـقـيــاهــا )

دكّـــــت ضــيـــوف الـمـعـازيــب رجــلــيّــه
مـابــقــى الاّ ضـيــفــةٍ فـــــوق مـركــاهــا

سـيــرةٍ مـــن وحــــي عـامـيــن هـجـريّــه
ودّي أنـــســـاهــــا ولا ودّي أنـــســــاهــــا

الــمــعــالــم والــــرســـــوم الــطــلالــيّـــه
مــايــحــفــظ أمــجـــادهـــا الا بــقــايــاهــا

ذكـــريـــاتٍ تــعــبــر الــعــمـــر طــرقــيّـــه
وذكــريـــاتٍ فــــــي وطــنــهــا ومــربــاهــا

وصـــورةٍ فـــي مـتـحـف الــبــال مـطـويّــه
كـــــــل يـــــــوم آفــلّـــهـــا وآتــهــجــاهــا

مـــــن لــهـــا قـــــدر أوّلــويّـــه وأهـمــيّــه
مـاشــعــرت بـغــربــة الــــــروح لـــولاهـــا

والــــذي نـفــســي بــيـــده إنّــهـــا لــيّـــه
أقــــرب مــــن كـفـوفـهـا عــنـــد حـنــاهــا

لـــــو جـفـتـنــي والـعــيــون الـشـقــاويّــه
مـــرّهـــا حـــلــــو الــمــنـــام وتــعــداهـــا

تقبلوا تحيات الشقاوي

[أبو أميره]

الشقاوي

رغم طول القصيده الا ان كل بيت افضل من الثاني حتى النهايه هذا الشاعر واضح انه يحب ؟؟؟؟؟؟؟؟وما تلومه ولا انا الحقيقه انت مبدع وكل القصايد التي تقوم بنقلها لها طابع خاص عندي
تقبل مروري

[بعيد الهقاوي]

سلمت يمينك يالشقاوي وصح الله لسان مدغم قصيدة في منتهى الروعة

[الشقاوي]

اشكركم على تواجدكم

[معاتب]

الشقاوي انت مبدع ومتميز .. تمتلك ذائقة شاعرية عالية أهنيئك عليها

مدغم ابو شيبه شاعر يجبرك لقراءة قصائدة وماهذه القصيدة إلا دليل على قوة شاعريته
صح لسانه ولسانك يالشقاوي.

[وجه السعد]

الشقاوي.. يعطيك العافيه وصح الله لسان مدغم بوشيبه وسلمت يد من نقلها
واعجبني بيت من القصيده
مـشـكـلـة بــعــض الــصـــدور الـجـنـوبـيّـه
لــــو تـجـيـهـا دمــعـــة الـطــيــر تـمــلاهــا
وتقبل مروري
اخوك وجه السعد

[عبدالله]

مـشـكـلـة بــعــض الــصـــدور الـجـنـوبـيّـه
لــــو تـجـيـهـا دمــعـــة الـطــيــر تـمــلاهــا

الــعــوامـــل والــــضــــروف الـطـبـيـعــيّــه
غـــيّـــرت مـــجـــرا زمــنــهــا ومــجــراهــا




الشقاوي الله يعطيك العافيه ...

[بيوت القوافي]

مـشـكـلـة بــعــض الــصـــدور الـجـنـوبـيّـه
لــــو تـجـيـهـا دمــعـــة الـطــيــر تـمــلاهــا

الــعــوامـــل والــــضــــروف الـطـبـيـعــيّــه
غـــيّـــرت مـــجـــرا زمــنــهــا ومــجــراهــا
قصيده جميله من شاعر نجم ومبدع
الشقاوي الف شكر

[الشقاوي]

معاتب
وجه السعد
عبدالله
بيوت القوافي
لحضوركم نكهةٌ خاصه

تشتاقها كل الحروف والزوايا

خالص الشكر والامتنان