لحظه بوادعك قبل إنك توادعني

[وعدك متى]

السلام عليكم ورحمة الله وبركاته

أسعد الله أوقاتكم بكل خير

أعذروني على الغياب وجيتكم اليوم بقصيده للشاعر عبدالكريم الجباري



http://www.6laleat.com/download.php?action=lsn&id=230

لحظه .. بوادعك قبل إنـك توادعنـي
ماني من اللي تروح ويمشـي خلافك

لـي عـزة ٍ ياوليـد النـاس تمنعنـي
لوقلت .. مابيك تمزح .. خاطري عافك

قد قلتها لك قبـل ماكنـت تسمعنـي
واليوم فعلك هو اللي حطم أهدافـك

يابن الأوادم نصيحه واخذهـا طعنـي
ماكل شخص ٍ يذل النفس لا شافـك

صحيح زينك بعض أحيان شجعنـي
لكن زود الكـرم زودت بـسرافـك

ماهوب أنـا اللـي تنزلنـي وترفعنـي
لو درت في نيتك كسـرت مجدافـك

تبي الصراحـه .. تصـدد لا تطالعنـي
أخاف من دمعتك ولا أنـت ماخافـك

ماغير واحـد .. ولا مخلـوق ولعنـي
الحـب يجـرف ولا تختـار جرافـك

لو قلت لحدٍ تحب.. وقال لـك يعنـي
خله وبعد مـادام الوقـت ماطافـك

أصـارع النفـس والدنيـا تصارعنـي
والفرق واضـح بمغرافـي ومغرافـك

ياخي ترى القلـب عيـا لا يطاوعنـي
يابن الأوادم توكـل خاطـري عافـك

[بيوت القوافي]

تبي الصراحـه .. تصـدد لا تطالعنـي
أخاف من دمعتك ولا أنـت ماخافـك

وعدك متى لاهنت على نقلك الموفق وصح لسان قائلها ولاتحرمنا من جديد ابداعك وتميزك.
تقبل مروري

[الســــــــيل]

وعدك متى
دايماً مبدع وبيض الله وجهك
أعذروني على الغياب وجيتكم اليوم بقصيده
من طول الغيبات جاب الغنايم

[خالد دغش]

أصـارع النفـس والدنيـا تصارعنـي
والفرق واضـح بمغرافـي ومغرافـك

لا هنت
وتميز واضح
مشكور يا عزيزي

[ابو محمد ومنتهى وعبدالاله]

وعدك متى


كل القراءات الموجوده على مؤشرات الابداع تقول بانك مبدع .

ولقد افتقدنا اطلالتك المتميزه خلال الايام القليلة الماضيه .

فالجميع هنا يعلم بان حضور (وعدك متى) يعني بان هناك موضوع متميز .



وطيّب الله ايامك

[الدبلوماسي]

قصيده جميله جدا
مشكوووووور والله يعطيك الف عافيه

[الفتى الذهبي]

قصيده رائعه ومشكور عليها اخي ( وعدك متى )

ولا تحرمنا جديدك . فالجميع شهد بابداعك . ونحن في الانتظار

تقبل مروري البسيط

[الجنوبي]

وعدك متى
أختيار موفق جدا ومبدع دائما
وصح لسان قائلها الشاعر عبدالكريم الجباري
تحياتي لك

[وعدك متى]

تسلمون جميعا على المرور والتعليقات الرائعه والمشجعه

وآسف على التاخير ولكني لا أملك الوقت الكافي للدخول دائما

بالإضافه إلى عدم وجود جهاز شخصي

لكن إن شاء الله القادم أجمل