أبوفيصل
11-06-2009, 10:50 AM
بسم الله الرحمن الرحيم
وصيتـــي للإبــن /فيصل وإخوانه ـ سلّمهم الله
البيـــــــــــــان
يالله طلبتك يا إله الوجـودي
يا خالقٍ الكون بيده ويرعــاه
أسألك تهدينا لرأيٍ سديـدي
ماغيرك إلّي نطلبه ونترجـّاه
ونحشر مع المختار يوم الورودي
في زمرته نارد بحوضه ومسقـاه
فياراكبٍ من فوق جيب جديـدي
من الوكالة يشرح الصدر مشراه
جي إكس آر أبيض وشكله فريدي
مطورٍ به كل شيء تمــنّــــــاه
منصاك غمرٍ لا لفيته تريـدي
علمٍ يبرح خاطرك حين تلقـاه
فيصل عسايه دائمٍ في الوجودي
تلقى تراحيبٍ و هيلٍ مثنّـاه
وتلقى الكرم يتلاه طيبٍ وعودي
على الكـرم والجود ساسه ومنشاه
وإذا إنتهيت فبلّغه ذا تريــدي
وعلوم أبوٍ قد لأعه الشوق وأظناه
أبوه ذا قلبه شفـوقٍ ودودي
ينشد عن أخباره مع كل من جـاه
وسلام محفوف بعطر الورودي
سلامٍ أحلى من العسل في خلايـاه
ويا فيصل إن الله رب اـوجودي
فاحفط حقوق الرب من قبل تلقاه
أطع إله الكون وأوْف العهودي
والزور لا تشهد مقامه وتــالاه
واتْبع نبيٍ بالصفات محمودي
الصدق والبرهان قوله ودعـواه
وصل الصلاة ولا تقع فالحدودي
وإحفظ كتاب الله نورٍ و منجـاه
الدين خيمة والصلاة العمودي
لاطاح طاح البيت وإنْهدّ مبنــاه
عفّر جبينك له بكثر السجـودي
وتـذكّر إن الرب ماشي يخفــاه
وإتْل القرآن بحسن صوتٍ وجودي
فيه الشفاء والنور للروح وإغْـذاه
وأكثر دعا مولاك وقت الهجيـدي
في سـاعةٍ ما خاب من يـدعي اللـه
وزكّ الزكاة وحـج يوم الشهودي
من حـج يغفـر له وتمحى خطايـاه
وتراي حبل الموت عند الوريــدي
فإعْمل بدنيا فانيه لاجل الأُخــراه
وآحذّرك يوم الوعد والوعيـــدي
يومٍ عظيمٍ كل مخلوق يخشــــاه
تشخص به الأبصار مثل الحديدي
والكون كله خاضعٍ بيد مــــــولاه
يومٍ تغر الوالدة بالوليـــــــــدي
والمرضعة تذهل عن الطفـل وإتّْاه
والشمس تدنو والحرارة تزيدي
يومٍ كخمسين ألف يومٍ بمعنــــاه
يوم إيتجلى الرب فوق العبيدي
وينادي إن الملـك والحـكم للـــــه
وحفوا ملائكةٍ عظامٍ شــهودي
والخلق تقصد ذا شفيـعٍ وله جاه
إشفع لنا عند الرحيم الودودي
عســاه يرحمنــا بعفوه ورحماه
وإبليس لايغويك عما تريـــدي
غــاو يريد إغوايتــك كيف ترضاه
إبليس للمسلم عدوٍ لــــدودي
كم واحـدٍ قد بــاع دينه بدنيـــاه
وإختر صديقٍ صادقٍ بالوعودي
يحـــذيك من طيبة وتحمد سجاياه
ترى البشــر فيهم خبيثٍ مريدي
فلا يغــرك حسن سمتــه وحلياه
لا تصـحب المغرور ولّا العنيدي
هــذا جهيل وذاك غرته دنيــاه
وإن جاك أبو وجهين فراقاه عيدي
متلـون بالخبث والشــر يبـراه
والكذب مكروه وحبله هميــدي
ملعــون ذا يكذب ولو كان له جاه
وراعي النمايم والغدر ما يسودي
مثيل من هـو حامـــلٍ داه برداه
والفاجر إلى ما حلف بالعهــودي
تجنب الفـــاجر وبيعه ومشـــــراه
ولا يخــاوك الـــردي الحســودي
راعي الــردى والحسد يرديك برداه
ولاتطلب المنان لو له رصيـــدي
رده قبيحٍ وإن عطــــى منّ عطواه
ومالك فلا تعطيه صلفٍ جحودي
لاما إغتنى ينكــر صنيعك وينفـاه
ولا تجالس كل نــذل حقــودي
الحقد طبعــه والنذالة مزايـــاه
ولاتصحب مدخّـــن وخلك بعيدي
وإحـذر تعيــره ودّ ولّا محابــــاه
والـداب ذا سمه زعافٍ يزيــدي
تحت لسانه حط سمّه وبلـــواه
من يامن المجــــرم بشرّه يبيدي
ومن يامن الحية ولو هي مربــّــاه
ياشين لا حطــوا برجله قيــودي
وقفى به السجــــان للسجن يحـداه
ورمــــوه وحده خلف باب حديدي
وإسْـودت الدنيـا بقلبه وعينــــاه
ويا فيصل أنا أنظم لك أغلى القصيدي
وتجــــارب اللي شاب من كثر ماجاه
فيها البيان وكل علمٍ مفيـدي
آظن تفهم غايتي قبل تقـراه
فأخْبـر إخـوانك به وخلّك رشيـدي
بيّن لهم قـوله ورمزه ومعنــــاه
كونوا على الهقوة مثيل الفهودي
تعـــاون وحبٍ وصدق ومــــوالاه
الخو سند وإن حد ساعــة حدودي
إصخ إله روحك وإن بغى شئ يفداه
تلقاه دومًا عن جنــابك يــــذودي
فــإحذر يقف في موقفٍ وإتّحــــــداه
ويا فيصل أنا أرقب تجيلي عضيـــدي
و الّا تشيل الحمل ما عدّت أنـــا أقواه
أدرس ودوّر كل علــــــمٍ يفيـــــدي
بالعلم تاصــــل كل شيء تمنـــــــاه
بالعلم نبنـــي كل صرحٍ مشيـدي
والجــاهل إلى ما بنـى هد مبـنــاه
وعن المعالي والشـــــرف لا تحيدي
منها تنال إرضـاك و يصير لك جاه
وأريد أنا آشوفك قوي الزنــــودي
من دون دينك والوطن تحمي إحماه
لو مت تكتب عنـــد ربك شهيــدي
إفدى الوطن ذا خيـرنا من ثنـــاياه
والناس خلّــك في طلبهم زهيدي
واطلب كريم الوجه يغنيـك بغنــاه
وبمواصلك لارحام تحيـــا سعيدي
وعمرك يطـول بفضل ربك وتهنــاه
جدك مثــــابة بوك والجد سيــدي
فضله عظيم لو قضى العمــر مانساه
جدك طويل الباع نمـــــرٍ هبودي
بوظـافر إلّي لا بغينـــاه نلقـــــاه
الفضــــل بعد الله له في وجودي
فإسْمع كلامه وأكرمه وأطلب إرْضاه
الضيف لا ما جــا لبيته يـــرودي
يفرح ببو ظافر و يسعد بلـقيــــاه
راعي الكرم راعي الوفى بالعهودي
الصــدق طبعـه والشهــامة سجاياه
شجيـع له معنى الشجاعة يعودي
مـواقفٍ تذكـر ولو ما ذكرنــاه
يا ما سرى ما بين بـــرق ورعودي
وكم مستغيـثٍ زال همه وشكواه
و يا ما تعــّرض مظلمات البرودي
ويا ما عـوى للذيب ليله ومسراه
وكم شل بطروق الهوى والنشيدي
وكم لاوعـه طرق المحبـــة وعنــّاه
وكم حس بالفـــاقة بليّا وجـودي
ويا ما صبـر والصبـر ما عــاد يقواه
ترفع له البيضـاء علـى كل عودي
وكل نـايف تـرفع البِيـــضْ بأعلاه
يا رب مد أجله وعمـره يزيــدي
وأعطيه من عمـري وروحي ونفداه
وتجعل مصيره في جنات الخلودي
و إتمتّعـه مـا دام حيٍ بدنيــاه
وعمّـانك الأقـراب والّـي بعيدي
إرفع مقــام العم والعـم لك جاه
والّي لهـا الفضل العظيم الوكيدي
من برّهـا حظــه برضــوان مولاه
أفـرش لها بشتـك ولو هو جديدي
وكل شيء تطلبـــه أعطهـا إياه
وخلّـك مع ربعك جوادٍ تجـودي
هم درعــه إلّي يــّدرق بـه ويذراه
إفرح بهـم لو جاو عنــدك حشودي
وإن جاك منهم داعيٍ لـبّ دعـواه
رايتك رايتهم وفيهم تســودي
وإلّي بـلا ربـعٍ تـرى الغبـن يصلاه
والضيف ضيف الله عطه الوجودي
لاحل رحـّــب هيل به وأكثـر إقــراه
والجار لو منه الجفى والصدودي
نبينــا بالجار كثـّــر وصايــاه
ويا فيصل أنا آريـد منك العهودي
وآحـاذّرك من نقض عهـدٍ عقدناه
لا ينشدك مـــولاك يـوم الوفودي
حقــق وصيــــة بوك من قبل تلقاه
وإرفع مقامه بالدعاء فــالسجودي
ما خـاب من يـدعي إلهـه ومولاه
هذا الأمــل بك ياعريب الجـدودي
وأبــوك كبـر ويستحـق المــراعاه
آريدك لا مـــا شحّـب وجفّ عودي
وقل شــــوفي والجسد خارت إقواه
إيـلاك ترقــابي بعالي السنـودي
وتـدرى على عــودٍ هزيل وترفاه
وأريـد لا ما غاب لانه يــرودي
النفـس تستبشـر إقـدومـه وملفاه
ويجيب لي ربعـي يدور سعودي
ربعٍ لنا غاليـن مثلـه وشــرواه
ولا يستمع لاشوار ترف النهودي
ويطيعهـا في بوه ويخيب رجواه
كم من سفيهٍ لاجل عين العنودي
رمــــاه في دار الرعـاية وخـلاه
يبحث عن إرضاء الفاتنة والودودي
والفضل ذا قد قدّمه بـوه ينساه
فإحذر تـراي النصر عند الحفيدي
يذكّـره ماضي صنيعـه ومغـزاه
وعساه لا ما صرت بقبري وحيـدي
يحج ويحقـق طــــــوافه ومسعاه
ومن بعد ما ضـاقت علي اللحودي
يرفــع موازيني مـع الله بدعاه
والخــاتمة عسـاك تحيـا سعيدي
في طاعــة الرحمـن ربك وتقـــواه
وصلوا على ذا للشفـاعة عميدي
يوم القيامة كل مخلـوق ينخاه
* * * * * * * * * * * * * * * * * * * * * * * * * * *
وصيتـــي للإبــن /فيصل وإخوانه ـ سلّمهم الله
البيـــــــــــــان
يالله طلبتك يا إله الوجـودي
يا خالقٍ الكون بيده ويرعــاه
أسألك تهدينا لرأيٍ سديـدي
ماغيرك إلّي نطلبه ونترجـّاه
ونحشر مع المختار يوم الورودي
في زمرته نارد بحوضه ومسقـاه
فياراكبٍ من فوق جيب جديـدي
من الوكالة يشرح الصدر مشراه
جي إكس آر أبيض وشكله فريدي
مطورٍ به كل شيء تمــنّــــــاه
منصاك غمرٍ لا لفيته تريـدي
علمٍ يبرح خاطرك حين تلقـاه
فيصل عسايه دائمٍ في الوجودي
تلقى تراحيبٍ و هيلٍ مثنّـاه
وتلقى الكرم يتلاه طيبٍ وعودي
على الكـرم والجود ساسه ومنشاه
وإذا إنتهيت فبلّغه ذا تريــدي
وعلوم أبوٍ قد لأعه الشوق وأظناه
أبوه ذا قلبه شفـوقٍ ودودي
ينشد عن أخباره مع كل من جـاه
وسلام محفوف بعطر الورودي
سلامٍ أحلى من العسل في خلايـاه
ويا فيصل إن الله رب اـوجودي
فاحفط حقوق الرب من قبل تلقاه
أطع إله الكون وأوْف العهودي
والزور لا تشهد مقامه وتــالاه
واتْبع نبيٍ بالصفات محمودي
الصدق والبرهان قوله ودعـواه
وصل الصلاة ولا تقع فالحدودي
وإحفظ كتاب الله نورٍ و منجـاه
الدين خيمة والصلاة العمودي
لاطاح طاح البيت وإنْهدّ مبنــاه
عفّر جبينك له بكثر السجـودي
وتـذكّر إن الرب ماشي يخفــاه
وإتْل القرآن بحسن صوتٍ وجودي
فيه الشفاء والنور للروح وإغْـذاه
وأكثر دعا مولاك وقت الهجيـدي
في سـاعةٍ ما خاب من يـدعي اللـه
وزكّ الزكاة وحـج يوم الشهودي
من حـج يغفـر له وتمحى خطايـاه
وتراي حبل الموت عند الوريــدي
فإعْمل بدنيا فانيه لاجل الأُخــراه
وآحذّرك يوم الوعد والوعيـــدي
يومٍ عظيمٍ كل مخلوق يخشــــاه
تشخص به الأبصار مثل الحديدي
والكون كله خاضعٍ بيد مــــــولاه
يومٍ تغر الوالدة بالوليـــــــــدي
والمرضعة تذهل عن الطفـل وإتّْاه
والشمس تدنو والحرارة تزيدي
يومٍ كخمسين ألف يومٍ بمعنــــاه
يوم إيتجلى الرب فوق العبيدي
وينادي إن الملـك والحـكم للـــــه
وحفوا ملائكةٍ عظامٍ شــهودي
والخلق تقصد ذا شفيـعٍ وله جاه
إشفع لنا عند الرحيم الودودي
عســاه يرحمنــا بعفوه ورحماه
وإبليس لايغويك عما تريـــدي
غــاو يريد إغوايتــك كيف ترضاه
إبليس للمسلم عدوٍ لــــدودي
كم واحـدٍ قد بــاع دينه بدنيـــاه
وإختر صديقٍ صادقٍ بالوعودي
يحـــذيك من طيبة وتحمد سجاياه
ترى البشــر فيهم خبيثٍ مريدي
فلا يغــرك حسن سمتــه وحلياه
لا تصـحب المغرور ولّا العنيدي
هــذا جهيل وذاك غرته دنيــاه
وإن جاك أبو وجهين فراقاه عيدي
متلـون بالخبث والشــر يبـراه
والكذب مكروه وحبله هميــدي
ملعــون ذا يكذب ولو كان له جاه
وراعي النمايم والغدر ما يسودي
مثيل من هـو حامـــلٍ داه برداه
والفاجر إلى ما حلف بالعهــودي
تجنب الفـــاجر وبيعه ومشـــــراه
ولا يخــاوك الـــردي الحســودي
راعي الــردى والحسد يرديك برداه
ولاتطلب المنان لو له رصيـــدي
رده قبيحٍ وإن عطــــى منّ عطواه
ومالك فلا تعطيه صلفٍ جحودي
لاما إغتنى ينكــر صنيعك وينفـاه
ولا تجالس كل نــذل حقــودي
الحقد طبعــه والنذالة مزايـــاه
ولاتصحب مدخّـــن وخلك بعيدي
وإحـذر تعيــره ودّ ولّا محابــــاه
والـداب ذا سمه زعافٍ يزيــدي
تحت لسانه حط سمّه وبلـــواه
من يامن المجــــرم بشرّه يبيدي
ومن يامن الحية ولو هي مربــّــاه
ياشين لا حطــوا برجله قيــودي
وقفى به السجــــان للسجن يحـداه
ورمــــوه وحده خلف باب حديدي
وإسْـودت الدنيـا بقلبه وعينــــاه
ويا فيصل أنا أنظم لك أغلى القصيدي
وتجــــارب اللي شاب من كثر ماجاه
فيها البيان وكل علمٍ مفيـدي
آظن تفهم غايتي قبل تقـراه
فأخْبـر إخـوانك به وخلّك رشيـدي
بيّن لهم قـوله ورمزه ومعنــــاه
كونوا على الهقوة مثيل الفهودي
تعـــاون وحبٍ وصدق ومــــوالاه
الخو سند وإن حد ساعــة حدودي
إصخ إله روحك وإن بغى شئ يفداه
تلقاه دومًا عن جنــابك يــــذودي
فــإحذر يقف في موقفٍ وإتّحــــــداه
ويا فيصل أنا أرقب تجيلي عضيـــدي
و الّا تشيل الحمل ما عدّت أنـــا أقواه
أدرس ودوّر كل علــــــمٍ يفيـــــدي
بالعلم تاصــــل كل شيء تمنـــــــاه
بالعلم نبنـــي كل صرحٍ مشيـدي
والجــاهل إلى ما بنـى هد مبـنــاه
وعن المعالي والشـــــرف لا تحيدي
منها تنال إرضـاك و يصير لك جاه
وأريد أنا آشوفك قوي الزنــــودي
من دون دينك والوطن تحمي إحماه
لو مت تكتب عنـــد ربك شهيــدي
إفدى الوطن ذا خيـرنا من ثنـــاياه
والناس خلّــك في طلبهم زهيدي
واطلب كريم الوجه يغنيـك بغنــاه
وبمواصلك لارحام تحيـــا سعيدي
وعمرك يطـول بفضل ربك وتهنــاه
جدك مثــــابة بوك والجد سيــدي
فضله عظيم لو قضى العمــر مانساه
جدك طويل الباع نمـــــرٍ هبودي
بوظـافر إلّي لا بغينـــاه نلقـــــاه
الفضــــل بعد الله له في وجودي
فإسْمع كلامه وأكرمه وأطلب إرْضاه
الضيف لا ما جــا لبيته يـــرودي
يفرح ببو ظافر و يسعد بلـقيــــاه
راعي الكرم راعي الوفى بالعهودي
الصــدق طبعـه والشهــامة سجاياه
شجيـع له معنى الشجاعة يعودي
مـواقفٍ تذكـر ولو ما ذكرنــاه
يا ما سرى ما بين بـــرق ورعودي
وكم مستغيـثٍ زال همه وشكواه
و يا ما تعــّرض مظلمات البرودي
ويا ما عـوى للذيب ليله ومسراه
وكم شل بطروق الهوى والنشيدي
وكم لاوعـه طرق المحبـــة وعنــّاه
وكم حس بالفـــاقة بليّا وجـودي
ويا ما صبـر والصبـر ما عــاد يقواه
ترفع له البيضـاء علـى كل عودي
وكل نـايف تـرفع البِيـــضْ بأعلاه
يا رب مد أجله وعمـره يزيــدي
وأعطيه من عمـري وروحي ونفداه
وتجعل مصيره في جنات الخلودي
و إتمتّعـه مـا دام حيٍ بدنيــاه
وعمّـانك الأقـراب والّـي بعيدي
إرفع مقــام العم والعـم لك جاه
والّي لهـا الفضل العظيم الوكيدي
من برّهـا حظــه برضــوان مولاه
أفـرش لها بشتـك ولو هو جديدي
وكل شيء تطلبـــه أعطهـا إياه
وخلّـك مع ربعك جوادٍ تجـودي
هم درعــه إلّي يــّدرق بـه ويذراه
إفرح بهـم لو جاو عنــدك حشودي
وإن جاك منهم داعيٍ لـبّ دعـواه
رايتك رايتهم وفيهم تســودي
وإلّي بـلا ربـعٍ تـرى الغبـن يصلاه
والضيف ضيف الله عطه الوجودي
لاحل رحـّــب هيل به وأكثـر إقــراه
والجار لو منه الجفى والصدودي
نبينــا بالجار كثـّــر وصايــاه
ويا فيصل أنا آريـد منك العهودي
وآحـاذّرك من نقض عهـدٍ عقدناه
لا ينشدك مـــولاك يـوم الوفودي
حقــق وصيــــة بوك من قبل تلقاه
وإرفع مقامه بالدعاء فــالسجودي
ما خـاب من يـدعي إلهـه ومولاه
هذا الأمــل بك ياعريب الجـدودي
وأبــوك كبـر ويستحـق المــراعاه
آريدك لا مـــا شحّـب وجفّ عودي
وقل شــــوفي والجسد خارت إقواه
إيـلاك ترقــابي بعالي السنـودي
وتـدرى على عــودٍ هزيل وترفاه
وأريـد لا ما غاب لانه يــرودي
النفـس تستبشـر إقـدومـه وملفاه
ويجيب لي ربعـي يدور سعودي
ربعٍ لنا غاليـن مثلـه وشــرواه
ولا يستمع لاشوار ترف النهودي
ويطيعهـا في بوه ويخيب رجواه
كم من سفيهٍ لاجل عين العنودي
رمــــاه في دار الرعـاية وخـلاه
يبحث عن إرضاء الفاتنة والودودي
والفضل ذا قد قدّمه بـوه ينساه
فإحذر تـراي النصر عند الحفيدي
يذكّـره ماضي صنيعـه ومغـزاه
وعساه لا ما صرت بقبري وحيـدي
يحج ويحقـق طــــــوافه ومسعاه
ومن بعد ما ضـاقت علي اللحودي
يرفــع موازيني مـع الله بدعاه
والخــاتمة عسـاك تحيـا سعيدي
في طاعــة الرحمـن ربك وتقـــواه
وصلوا على ذا للشفـاعة عميدي
يوم القيامة كل مخلـوق ينخاه
* * * * * * * * * * * * * * * * * * * * * * * * * * *