ااكتب اجمل بيتين سمعتها في حياتك

[الفاروق]

السلام عليكم ورحمة الله وبركاتة
الي المدير العام للمنتدى الى المراقبين الي الاعضاء الي الزوار وبعد زبدة الكلام لكي لانطيل عليكم نريد لكل متذوق للشعر كتابة اجمل بيتين مر في حياتة سواء من شعار القبيلة او خارجها وبكل امانة وتقبلو طرح :showoff:الموضوع

[أبو أميره]

عزيزي الفاروق


مشكور ولاهنت موضوع جميل

ابكتب هذه الابيات التي اتت على بالي الآن واكيد فيه اجمل منها لكن هذه الابيات التي تحظرني



خلقت في الدنيا وانا ما معي شي 000 وباروح منها ما معي شي منها

خلوني آمد النظر حدني حــــــــي000 وان مت تلقى جثتي من دفنها


تحياتي لك

[الفاروق]

صحت لسانك ولسان قائلها كما اتمنى معرفة الشاعر الي قال القصيدة لاهنت يابو اميرة

[الاغراب]

اشكر الفاروق علي هذا الموضوع ولدي بيتين من اجمل ماسمعت للشاعر سلطان الهاجري


انا والله اني ما اتهنا بحــلو الــنوم ورفيقي عليه هموم الايـــــام ملتمه
اشيل الحمل منه واحطه علي واقوم مقام يورد مضمي الماء على الجمه


اشكر الفاروق من كل قلبي على هذه الفكره

[الفاروق]

ابيض وجه يالاغراب وصح لسانك وقائلها

[كاراجاندا]

وما من كاتب إلا سيفنى .. ويبقي الدهر ماكتبت يداه

فلا تكتب بكفك غير شيء .. يسرك في القيامة أن تراه

بصراحة هذي أجمل بيتين قريتها وحسيت إنها فعلا ً موعظـــة .. وهي نصيحة مني لجميع الأعضاء ..




#ffff0a سبحانك اللهم وبحمدك ، أشهد أن لا إله إلا أنت أستغفرك وأتوب إليك #ffff0a

[النجم الساطع]

لكل شيء إذا ما تم نقصان ..............فلا يغر بطيب العيش إنسان

هي الامور كما شاهدتها دول ........... من سره زمن ساءته أزمان

[الوزن الثقيل]

ودنا بالطيب مير الدهر جحاد طيب ........كل ماتخلص مع الناس كنك تغشها
يدك لامدت وفاء لاتحراوش تجيب .......كان جاتك سالمه حب يدك وخشها

[النادر]

الفاروق:-الله يبيض وجه راعي الفكره-------انشهد انها تنحسب لحسابه
مبدع ومتألق والدليل على ذالك الموضوع الرائع المطروح امامنا، واتشرف بمشاركتي باالابيات المنقوله عن الشاعر / ابو شعرتين من قبائل شهران

كل شي يفنى يكون الردى ولا الجميل
هذي الثنتين تبقى على طول الحياه
ودي اكسر عظم ساقي ولا اطلبلي بخيل
اتحمل كسر عضمي ولامنت عطاه
من تحرى فزعت الضيق من راس الذليل
مثل من يبغى المغارير من صم الحصاه

[صقر الخفجي]

أعلان للي مابعد جرّب الحب *_*_* يترك طريق الحب قدر استطاعه

فيه الهنا ياتيك ساعه ويذهب *_*_* وفيه العنا ياتيك في كل ساعــه

[نسيم الصبح]

أفضل بيتين سمعتها هي:
الله يجملني مع كاسب الطيب ــــــــــــــــــــــــــــ والله يقدرني لكسب الجمايل
شمس الغلا تشرق ولايمكن تغيب ـــــــــــــــــــــــــــ والود ماينزاح والشك زايل

[الفاروق]

النادر كاراجاندا النجم الساطع الوزن الثقيل صقر الخفجي
الله يبيض وجيهكم وقصيد يعد من ذهب وامتعتونا امانتأ واتمنى كتابة اسماء الشعراء ولايستغرب هذا الكم من الابيات الشعرية من متذوقين الشعر ومحبية

[دعاني الشوق]

قبورنا تبنى ونحن ما تبنى
يا ليتنا تبنى من قبل ما تبنى

مشكور يالفارووق

[الفاروق]

نسيم الصبح دعاني الشوق
مشكورين علي المشاركة وبيض الله وجيهكم

[العلم الأكيد]

هذه البيتين لشاعر سعد بن جدلان

يا ذا الجلال إللي عروشك فوق وأملاكك حدر
مهما تسامت به عروشه مستحيل يطولها

ياحي ياقيوم ياذات الأنافه والكبر
ما نافسك في عظمتك مكر الرجال وهولها

[الفاروق]

صحت لسانك ولسانة وهذا هو العلم الاكيد

[الغيــور]

والله مايذبحك ياكود حاجه
لا صار في وجهك حيا وانت محتاج
بالعسر يسر وللهموم انفراجه
يجيلها من والي العرش مخراج
واشكرك ياراعي الفكرة

[الفاروق]

الغيور
ابيض وجة والله يفرجها علينا وعليك

[المغــيـــدي]

انــا ليا ضاقت عليه تفــرجـــت يرزقني اللي ماتعدد فضايله
يرزقني رزاق الحيايا بجحرها لاخايلت برق ولاهي بحايله

[الفاروق]

المغيدي لاهنت
والله لاضيقها علينا اشكرك على الابيات الجميلة

[وجه السعد]

خالد الفيصل
يموت الشجر واقف وظل الشجر ما مات.. رياح الدهر تصرخ وهي تجرح اجنوبه

[الفاروق]

وجة السعد الله يسعدك ياشيخ
صحت لسانك واشكرك علي هذة الابيات

[أبوفيصل]

هذه فكرة جميلة من فكر جميل يستحق الإشادة والتقدير وأرجو أن يسعد بما نضيف للموضوع فهذه أبياتٌ لي في الشيم:


سفر الشيم باقٍ على مرّ الأيام


ما يدخله كود القليلين مالناس



إختصهم ربي عن الخلق باحكام


ومنحهم التوفيق في كل نوماس



ناس كريمين الطبائع والأحلام


غاياتهم وأهدافهم ترفع الرأس



وأهل الشيم للخير جند وخدام


بلسم جراح يجلي الهم واليأس


(أبوفيصل.. )
تحياتي وتقديري....

[الفاروق]

حياك الله يابو فيصل
غالي واصيل وراعي الشيم اشكرك علي الابيات الجميلة

[الصقر الاسود]

يقـــــول
جربت الأيام مثلي من يجربهـــــا ................... تجريب عاقل وذاق المر والحــالي
نضحك مع الناس والدنيا نلاعبها ................... نمشي مع الفي طوع حيثما مـالي
مشكوووووور والله يعطيك الف عافيه

[الفاروق]

الصقر الاسود جمل الله حالك ولاهنت علي الابيات الجميلة الواضح فيها الشعر اشكرك

[الفاروق]

تنوية
سوف يختار اجمل بيتين في نهاية المشوار فأ اكتب اجمل ماعندك

[بيوت القوافي]

الغرب يصنع طايرات وصواريخ
والشرق الاوسط راح نفطه بلاشي

حطوا لهم في صفحة العلم تاريخ
وحنـــا بماظينا نعــيد النقاشــي

[موااادع]

هذه من أجمل الأبيات التي قرأتها واسف على كثرة الابيات


هذي حياتــي ماتغنة أبــــد بالأحبــاب
دوم يظهــر لهــا الـفراق بـــلا أسبـــاب

يظهــر لهــا دوم ولاهو بـــس الفـــراق
حتى المعاني الزايفة تعكر صفو الاحبــاب

تبعد البسمــــه عن شفاة كل مشتـــاق
من بين أصداء المعاني وذكريات تنســاب

نحكي لزمـــــن كله نرجسيه ونفـــــاق
لو تموت ينجلي الهم ويبدأفراق الأحبــاب

فراق المــــوت هين ولا فـــــراق الشقاق
اللـــي من زلته نبكــي ونعيــش أغـــراب

وهذا أنا الغريب اللي أحمل عبء ماينطاق
لأجل عيون ترجي مصلح بنظرة أحباب

[الفاروق]

بيوت القوافي
هذا الكلام اللي صحيح نبية بيوت جميلة ابيض وجة ومشكور علي تواجدك
موادع لله درك مشكور علي الابيات والمشاركة

[الدار البيضاء]

أروح لمكان خابره خابره ياتيه
أسوق القدم صوبه وهي مالها حاجه
لعل وعسى ماحدني للمجي يدعيه
وأشوفه وأنا ماودي أسبب أحراجه
يحب الجريح آخر دروب القى ويجيه
وتحب القدم جية مكان أول مواجه

الشاعر : محمد المري

[سعد عسيري]

اجمل بيتين سمعتها


ولدتك امك باكيا مستصرخا+++ والناس حولك يضحكون سرورا
فاعمل لنفسك ان تكون اذا بكوا++ في يوم موتك ضاحكا مسرورا

[محير الانظار]

مال الرفيق الا رفيقه إلى اعتاز + اما نفع ولاَ بـــــــلاش الرفاقه
احد لنا في مكسر الساق معكــاز + واحنى له المعكاز في كسر ساقه
اهدى لكل وفي لرفيقه

[الفاروق]

الدار البيضاء
الله يبيض وجهك ولاهنت ياسيدالرجاجيل لاهنت وصح لسانك ولسانة
سعد عسيري
0 ابيات من ذهب ولاهنت
محير الانضار اصيل والله ومال الحلافي الابني عمة

[وحيد الجزيرة]

هنيـــــــــــــكم يلي على الضوء تدفون * *** ونا على قرن الوضيحي سراااااااااااااااابي

[الفاروق]

وحيد الجزيرة
مشكور على مشاركتك

[الاغراب]

الفارووووووووووووووق
مبدع ومتألق ؟؟؟؟؟؟؟؟؟؟؟؟؟؟؟؟؟؟؟؟؟؟

[الوزن الثقيل]

المشاركه الثانيه وأسف على التكرار
من لا اعتبرني ليا من جيت ما اعتبره
هاذي طبوعي وهاذي كلمة السانـي
..................................
جربت في الوقت لين اخذت لي خبره
من دور عوج السنين اللـي تحدانـي

[الفاروق]

الاغراب
مبدع ومتألق بوجودك دمت سالم لمحبيك وربعك
الوزن الثقيل
لايمنع المشاركة اكثر من مرة بشرط ان يكون البيت من يحكم ذلك بقوتة ومعناة اشكر مرورك

[الشقاوي]

عزي لمنهو .. سبحته راس .. ماله ..

لا ضاق صدره .. قام يفرك .. خرزها..

[الفاروق]

بيض الله وجهك والله يكون في عونك
الشقاوي
الابيات اللي في التوقيع هي الكلام لا تبخل عليان

[سعد عسيري]

اكرر مشاركتي واقول

الموت حق وكلنا ذايقينه

مير البلاء من ذاق موت ولامات

[النجم الساطع]

نبئت أن رسول الله أوعدني والعفو عند رسول الله مأمول
مهلا هداك الذي أعطاك نافلة ال قرآن فيها مواعيظ وتفصيل

كعب بن زهير

[أبوفيصل]

هذه أبيات لي في شرواكم:

إلى خلت لارض من شرواك ياشينها
وإلى خلا الطيب من ذكرك فلا هوب طيب

***
كل الصفات الجميلة ماااسكٍ عينها
وكل المكارم تضاف لجوهرك يالحبيب

***
واعظم صفات الرجال إن جات في دينها
الدين لاغاب بعده كل شيءٍ يغيب

أبوفيصل.....

[العااالم]

هو بيت واحد
الخوي الي ليا من غبت ما يحمي قفاي
اجل لا صرت حاضر ماني في حاجته

[القنــاص]

اتسير بك سمر اللـــــيالي لمثــــواك
ومن طول المنزل لزوم(ن) رحيله

ولابد من يوم(ن) عذاراك تنعاك
ولابد مــا ينقـــــال هيــا نــشيـــــله

مافيه بالدنيــــا مواطــــن ومـــــلاك
كلن يسير وعابر(ن) في سبيلـه

وكنك تحسب انـك مخـــلد بدنيـــــاك
فكر وناظــر وين جـــــدك وجيــله



>>>>>>>><<<<<<<<

[الفاروق]

سعد عسيري النجم الساطع ابوفيصل العالم القناص
مشكورين من كل قلبي وأسل الله التوفيق لي ولكم ولسائر المسلمين اللهم أمين
تنوية سوف يختار اجمل بيتين من المشاركات في اخر المشوار مع لجنة التحكيم والله من وراء القصد اخوكم الفاروق

[الشقاوي]

...آتغيشم وآنا لي مقصدٍ ثاني
وآذخر القيل لين انه يجي حله

[الفاروق]

يالشقاوي
منت غشيم والله يبيض وجهك على المشاركة

[بعيد الهقاوي]

مشكور يالفاروق على الموضوع المميز واحب ان اشارك بابيات

ليااجتمعت ثنتين حاجة وشيمـة راس
وهـذي تنزلنـي وهـذيـك ترفعـنـي

رفعت النظر والله عطاني نظر واحساس
وهي ميزه في كـل الاحـوال تنفعنـي



وانا لو بدت لي حاجة عندبعض النـاس
اريد الكـلام وعـزة النفـس تمنعنـي

[البادي]

قالوا هبيل وجايز لي هبالي
هبال طيب ولا صحاوه رخامة

[الفاروق]

بعيد الهقاوي
حقيقة تنقطع من المنتدى وترجع رجعة غير طبيعية ابيض وجة وهذة الابيات من اجمل ماسمعت وصحة لسانك ولسان قايلها ولانبي اتطول الغيبة مشكور من كل قلبي

[الفاروق]

مشكور يالبادي
ولايضيق صدرك وانا أخوك بين ربعك ومحبيك ومشكور علي المشاركة واطلب عزك

[الفاروق]

انتهت المسابقةفي كتابةاجمل بيتين وسوف تضهرالنتأئج بعد عرضهاعلي لجنةالتحكيم
ودمت مسالمين الفاروق

[معاتب]

الفاروق ..
بيض الله وجهك ولاهنت على اختيارك لموضوع يتعلق
بالذائقة الشعرية والذي برهن عليه هذا التفاعل الجميل من الجميع

وبالنسبة لي أرى أن جميع الأبيات التي ذكرت من قبل المشاركين الأكارم من أجمل
ماقيل وسمعت.
لذلك سوف يتم تثبيت الموضوع تقديرا لك وللمشاركين في موضوعك المميز.

[الفاروق]

وانت ابيض وجة يامعاتب
\وانا اردت من ذلك شد الانضار وزيادة الموضوع حماس وجميع من شارك فائز وجميع مأكتب من اجمل الابيات ونريد ان نضع بصمة خاصة بلمنتتدى الذي متوج بالابداعات ولك جزيل الشكر وجميع المهتمين بالموضوع
تحيات الفاروق

[سحااااااب]

الفاروق انت متميز دائما في اطروحاتك الرائعهتقبل مروري
وهذه ابيات ارددها من حوالي 15 سنه ولازالت في الذاكره لروعة اسلوب الوصف
ولقد ذكرتك والرماح نواهل مني وبيض الهند تقطر من دمي
فوددت تقبيل السيوف لانها لمعت كبارق ثغرك المتبسمي


سحاااااااااااااااااااااااااااااااااااااااااااااااا اااااب.............................

[قطر الندى]

ياليتني عن {حب} مثلك..ترفعت
ياليت {قلبي} قبل اعرفك دفنته

لكن اببعد دامني بك توهقت
الله {يرحم} حبنا اللي ذبحته

كمل حياتك مثل ما انا توقعت
تبقى {اسير الماضي} الي فرضته

اللي {ملا قلبك} علي وتسمعت
خله {يعوض} شخص مثلي خسرته

وان {شفتني} صدفة بعينك تطلعت
ذكرتني با نسان {غالي} فقدته

[الفاروق]

سحاب وقطر الندى
مشكورين على المشاركة وابيات جميلة والتميز يالسحاب بوجودكم

[الشقاوي]

الفقر دلّه .. والمذلّه فناجيل ..!=
وأنا شربت اليوم مليون دلّه ..!
والهمّ موطن .. والعنا له مداخيل=
وأنا الوحيد الساكن إللي أدلّه ..![

[الغيــور]

بعض العرب يامال صقع المشاعيب ياجعل راسة من بين الامتان يجبي
لاجامح (ن)زلة ولا جامح(ن) عيب الا شفتة قلت الله ربة وربي

[ابن روق]

ما ني وانا بندر بهيت ن ولد هيت ....... هيت ن يجامل شلة ن يكرهونه &

من كثر ما جربت واقبلت واقفيت ......... قولة هلا من لايودك مهونه &





بندر بن سرور

[الفاروق]

الغيور ابن روق مشكورين على المشاركة

[الفاروق]

الشقاوي حييت كلما جيت ابيات جميلة ولك الشكر

[الزهراني]

أرض خلا لو مابها لقمة العيش أخير من رزقاً عليه إهتواشي

[حلافي وراسي عالي]

الفارق
اطلم منك العذره على البيتين
اعتزلنا الشعر

[الرحال]

البيت للشاعر سعد بن جدلان

يدك لامدت وفا لا تحرى وش تجيب
كان جاتك سالمة حب يدك وخشها

[الفاروق]

حلافي وراسي عالي الله قالك واطلق اعقالك
الرحال مشكور ابيات جميلة من شاعر جميل
الزهراني مشاركة موفقة مشكور عليها

[هلسنكي]

صح للسااااااااااااانك وهذا شي جميل ان رى الكل يحاول يطلق لقلمه العنان المهم ما ابي اطول
احب اظيف بيتين من عندي
لبست ثوب الحيا قدامك وخانتني الظروف +++++واجبرت قلبي العاشق اتبعاك واصعد سماك
عللتني حروف اسمك ونستني باقي الحروف+++كلمة احبك مطلبــي وعمري كلــه فـــــــداك

هذي اول مشاركه لي وتقبلو تحياتي اخوكم هلسنكي


التوقيع

لو لا معزتكم ماجيت

[اهلاوي مجنون]

خلوني اسج عن موضوعه احسن لي ولا الغلا والله ان يبطي وهو غالي

[الفاروق]

هلسنكي وصحت لسانك بعد انت ومشكور
اهلاوي مجنون ابيض وجة واشكر مشاركتك

[الدار البيضاء]

تراي الضمير لاخرب من المستحيل يطيب
لو تحلب فروخ الطير وتبيض الناقة

الشاعر : سعد بن جدلان الأكلبي

[الفاروق]

صحت لسانك ولسان الاكلبي وهذا الابيات السمينة

[الشقاوي]

يضحك بك اللي عاجزن عن هقاويك
لافاعل (ن) فعلك ولا معرض (ن)عنك

[الشقاوي]

لا غشاك الليل واسرف بك الحزن العميـق
جنّـب وجيـه البشـر واسجـد لخلاّقهـا

[أبن الضبعـــاء]

صبيان مـحـلـف هل جنـود(ن) وبارود *** وشـيوخ قــوم(ن) مجـالسهم منصاه

تلقـى السمن والشـحم والطيب موجود *** وبن(ن) وهيل(ن) الاجاء الضيف يلقاه

كـــل القبــايـل على ما قلتـه اشهــود *** ماقلت في الهيض كذب(ن) وابتعنـاه

كنـا مــن اول بـــــدو نـــقـال عمـــود *** ننــزل ديـار الحيــاء بالمــال نرعــاه

من الغــنم فــرق(ن) والبــــل معـه ذود *** والعــــد لوصعــب ميــــراده وردنـــاه

واليــوم كل(ن) سكن في بيت مشيـود *** خـــلا البـــداوه ومنــــزاله ومــربــــاه

الســــرو ماعـادبـه نــاشـد ومنشـــود *** ياكــود ذيـــب الخـــلا لاشــل بعـواه

[الفاروق]

الشقاوي مشكور
ابن ضبعاء صحت لسانك ولاهنت

[سُندس]

عزيزه نفسي وأطباعي على ابوي............شموخي بفعلي وكلمتي ما أثنيها

[في المرمى]

اسكت وخلي الكلام يمر ويعدي

ما كني اعرف في الدنيا ولا حا جه

[ابن روق]

يا كثر ما نسمع من القيل والقال ,,, هرج ن مجنبنا وهرج يعنانا

لو كل ما نسمع نحطه على البال ,,, كان الهروج العوج بذت خفانا




الشاعر الكبير : بدر الحويفي الحربي

.

[أبو طلال]

مادام في الدنيا رجال ومطاليق *** نصيتهم واللاش مالي وماله

[مَ’ـِـِلآمِحْ »]

http://www.4nw.net/files-03/M5p70094.gif (http://www.4nw.net/)

[الكنترول]

اتمنى تعجبكم
ياوجودي كل ماهب نسناس الشمال$$وجدمن حده زمانه على الي مايبيه
ياوجودي لادناالليل من روس الجبال$$وانقضى يوم من العمرماعاد ارتجيه

[فريخ]

كفايه .. كفايه .. كفوا الصوت ياجهال=من الونه اللي كـان قلبـي معاملهـا
تحسبون ونة تالي الليل وسعـة بـال=وهي ونة ٍ ما تثـر إلا علـى هلهـا

[الحسام]

كل ابن أنثى وإن طالت سلامته,,,,,,, يوما على آلة حدباء محمول
البيت الثاني
لكل شيء إذا ماتم نقصان,,,,,,,,,, فلايغر بطيب العيش إنسان

[عاشق الزين]

ياخيّتي هذا الزمان التافه=خلاني أتعرّف على طُُرّافه
في ليلةٍ عقّال أهلها قِلّه=هاجه وسمّاجه وضيم وآفه
منا تجي خطمه ومنا لطمه=لاوالله إلا شغّلوو المِحذافه
والماقف أللي تعّسُره شيبانه=وتغيب عنه .. تحوفه الحوافه


من قصائد الشاعر المبدع / راية الشعر علي بن حمري

[مــحــمــد]

ابيات للشاعر سعد بن جدلان:
لعنـبو بعـــض الغنــاديــر لــو انـــه عــجــوز
اتـــعـــزز بــس لا شفتـــها رحــت ازعــــوة
لا مـشـت بـالــردف كــنــه من الجسم محيوز
كــنهـا تــســحــب وراهـا كـمـامـيـن قـهـــوة

[الفاروق]

ابو طلال ملامح الكنترول عاشق الزين محمد فريخ الحسام
شاكر تفاعلكم وبيض الله وجيهكم

[الفاروق]

مــــاتدرون ويش اصعب محبة بهذا الكون ***اذا صرت تعشق واحـــد(ن)مادراى عنك

[سمو المجد]

ياضوق نجد إليا تضايقت من شي **** وياوسعها لاصرت دوار حاجه
وياسرع دورات الليالي على الحي **** ويابطيها عند أنتظار المواجه

[بن سرحاء]

لاخــاب ظنك بالرفيق الموالي .. مالك مشاريهن على نايد النــاس
يـا جعل بيتِ مايجيله ظلالي .. ينهد من عالي مبانيه للســــــاس

[الفاروق]

صحت لسانك وقايلها ومرورك ومشاركتك شرف

[الشقاوي]

يالجيب قدمك فجوج الارض منجرده
ماشلت هم الوعر ضلعـه ولاقـوزه


يفداك خطوى الضعيف وموتر(ن)خرده
ويعيش من صمم الفكسار ورمـوزه

[البحر الشرقي]

صح السانك ويعطيك العافيه ابيات قويه بمعنى الكلمه

[صهيل الخيل]

الآدمي للولا المكرم والأخلاق
كل الحنظله من عرقاها ولاورقها

صهيل الخيل

[الفاروق]

صحت لسانك ياصهيل الخيل
ذكرتني بابيات


الحنظلة لو هي على شاطي النيل
زادت مـــــرارتها القديمة مرارة

[نصف الدرب]

اشوف بعض الصحابنا مايمرون 0 وأنا الجفا من صاحبي مستحقه
لونهم عن غايت القلب يدرون . مرو عليه ماعليهم مشقـــــــه

[مكحل الذيب]

أجمل بيتين سمعتها لشاعرالكبير :سعدبن جدلان
يبن أدم يلعن الله مختال فخور
من تواضع تحت ربي يعليه أدرجه
لجل ماتاصل جهنم على شان الغرور
للعرب حاول تواضع وتعطيهم وجه

[عقاب الجزله]

بسم الله الرحمن الرحيم
من عقاب الجزله لمن يرى أنه واثق بشاعريته والقصيده تعبر عن نفسها

يالاووووووووووووووول
بسمه تبديت الحكم والرجا فيه
وكفرت بالشيطان مردي عميله
أعرف حميد الشعر قوسه وباريه
وأنقى سمان المفردات الجزيله
فهذا خطابي واضح من دواعيه
أنصا يمين في الملاقا طويله
الشاعر اللي واثقات ن خطاويه
يقلط على الدسمات شعرن وشيله
وسلامتكم

[الشقاوي]

مايغسل الكبد عقب الكذوب الا الصدوق
ولا يبين قيمة الطيبين الا الردي
ولا يخليني احب الامين الا السروق
لين صرت احب الاجواد من حب اجودي

[عقاب الجزله]

اتمنى من الاخوان الشعار الرد

بسمه تبديت الحكم والرجا فيه
وكفرت بالشيطان مردي عميله
أعرف حميد الشعر قوسه وباريه
وأنقى سمان المفردات الجزيله
فهذا خطابي واضح من دواعيه
أنصا يمين في الملاقا طويله
الشاعر اللي واثقات ن خطاويه
يقلط على الدسمات شعرن وشيله

وسلامتكم

[سعد الخوي]

الشاعر/محمد بن ماضي الشمراني
الاياهوا(ن) تاجي من الغرب عجل هب.....وعطني علوم الدير واللي سكن فيها
فأنشهد شهادة حق مال المحبه طب.........علاج المحبه شوفة العين غاليها

[الشقاوي]

الدرب قدامي طويل وماخذ المشوار سير
والعمر مثل الدله اللي واقف صبابها
درست بظروف الحياة اللي رحاها يستدير
وعرفت ليش المدرسة تقسى على طلابها
غديت بين الصبر والفرصه وتانيب الضمير
والحظ مثل الخنجر اللي ماقبضت انصابها
الوقت قاسي والتمني اخر امال الفقير
كيف اتبسم والليالي كشرت بنيابها

[الزلزال]

ونتاً ونيتها في الحدب عصر الربوع
ازعجة سكان بيشه وسكان السراه

[الجزل]

اجمل بيتين سمعتها وهي كل بيت من قصيده

لولا ذنوب الناس ماجفت الارض
ولولا جفاف الارض ماتابوا الناس

...........
اعرف ان الرزق مضمون والدنيا ممر
والاصدقاء تذخر لحاجات الزمان

[نجوم الليل]

الاياهوا(ن) تاجي من الغرب عجل هب.....وعطني علوم الدير واللي سكن فيها
فأنشهد شهادة حق مال المحبه طب.........علاج المحبه شوفة العين غاليها

[نجوم الليل]

مشاء الله على القصايد مبدعين