مراسلة زامل السبيعي و سعد بن رمثه

[الوزن الثقيل]

هذه قصيدة الشاعر / زامل السبيعي , موجهه لسعد بن رمثه وهو يرثي أخوه ويشكي حاله فالعيد ,,,,

لاهنت وصلتني تهانيك بالعيد *** ياوالله اللي خرب الوقت عيدي
أحد(ن) قضى عيده تعاسه وتنكيد *** وحد(ن) على ماقيل عيده سعيدي
عيني تصب الدمع جمله وتفريد *** وان جيت اكف دموع عيني تزيدي
ماسال دمعي من هوى ناعم الجيد *** دمعي نثرته من مفارق عضيدي
وآآخويه اللي يكسب المجد والفيد *** اقفى وخلاني لحالي وحيدي
ماعاد باقي للسعاده مواعيد *** وآخيرمايشفي جروحي قصيدي
----------------------------------------------------------------------------------------------

* وهذا رد سعد بن رمثه على قصيدة الشاعر / زامل السبيعي ,,,,,,,,

يازامل اصبر فالليالي مناويد *** ولاكل يوم يجي علاما تريدي
منت اول انسان يتالي التناهيد *** ولانت اخر انسان فقدله فقيدي
ذا سالف الدنيا على اقراب وبعيد *** محد(ن) سلم شر الزمان الشديدي
الموت لاجا مافرق زيد وعبيد *** كلن يشله وسط حبل الوريدي
يامايبدد شمل الاحباب تبديد *** وكم كدر افراح وكم فرق ايدي
يارب ماسالك سوا الحسنه تزيد *** فأنها نهار الحشر تبقى رصيدي

[الســــــــيل]

الوزن الثقيل
بيض الله وجهك على النقل ورحم الله الميت

[الوزن الثقيل]

السيل
شكرا لمرورك على موضوعي وتقبل خالص تحياتي

[الحسام]

تسلم على هذا النقل الرائع
ونسأل الله أن يرحم الفقيد برحمته

[المعتصم بالله]

مشكور وبيض الله وجهك

الله يرحم الفقيد برحمته

[الجنوبي]

الوزن الثقيل
تسلم على النقل المميز وصح لسان الشاعرين الكبيرين !!

[الفتى الذهبي]

يعطيك العافيه على الموضوع الرئع

صراحه مراسله رائعه ..صح لسان الشاعرين

[الوزن الثقيل]

بيض الله وجيهكم جميعا على هذا المرور الرائع
واتمنى لكم التوفيق

[معاتب]

الوزن الثقيل

صح لسانك ولسان الشاعرين

ماعاد باقي للسعاده مواعيد *** وآخيرمايشفي جروحي قصيدي

هذا البيت يشرح القصيدة ومعاناة شاعرها.

[الوزن الثقيل]

معاتب
شكرا لمرورك على موضوعي وتقبل خالص تحياتي

[الطائفي]

يعطيك العافيه يا الوزن ورحم الله الميت

[حلافي وراسي عالي]

الوزن الثقيل
مشكوررررررررررجدا على هذا النقل الجميل

[حـسن]

بيض الله وجهك يالوزن ودائما مبدع ومواضيع متميزة

[الوزن الثقيل]

أشكر الجميع على هذا المرور واتمنى لهم التوفيق