أمير بكلمته
27-05-2008, 05:44 PM
--------------------------------------------------------------------------------
السلام عليكم...
كثير من الناس يسأل عن تبييض الاسنان ( dental bleaching) وايش طريقته وهل اللون الي يتم ازالته يختفي تماماً ولا انه ممكن يرجع وان شاء الله في هذا الموضوع بحاول اشرح شرح وافي عن التبييض وطريقته وبعض الاشياء الي تتشابه على الناس ويظنونها تبييض وهي طبقة البورسلان الي تنحط على الاسنان (Veneers) وارحب بأي سؤال تسألونه وان شاء الله يكون في الموضوع الفائدة ( اسمحوا لي ابتكلم باللهجه العاميه لأني احس انها اقرب للي يقرا)
س1: وش سبب اصفرار الاسنان ؟
ج1: اصفرار الاسنان يتكون بسبب تجمع بعض ترسبات البلاك والتبقعات من المشروبات او الدخان لأن السن متكون من ثلاث طبقات زي ماتعرفون طبقة اللب وطبقه مدري وش اسمها بالعربي (dentin) وهذي الطبقه اساساً لونها الطبيعي اصفر ويغطي الثلاث طبقات طبقة شفافه تماماً مثل القزاز وتسمى (enamel) وهي اقوى جزء في جسم البني ادم كله هالطبقه ذي تتأثر بالترسبات الي من الاكل ولو فرشت اسنانك يومياً وحافظت على انك تسوي تنظيف عند اخصائي التنظيف بيصير مافيه اي اصفرار بسبب هالطبقه واللون الاصفر الي بيكون ظاهر هو بس لون الطبقه الي تحتها.
س2: طيب والحل شلون ابيض اسناني الي لونها اصفر؟
ج2 : وصلت خير, كيف تبيض اسنانك تبييض الاسنان له ثلاث طرق وكلها تعتمد على نفس الفكره انك تحط مادة الهيدروجين بيراوكسايد على الاسنان وتصير بيضاء وعلى فكره تراها نفس الماده الي يستعملونها في كلوركس بس لحد يفهم غلط ويحط كلوركس على اسنانه ثم يجي ينكبني هالماده يحطها طبيب الاسنان بتركيز مخفف جداً وهو الاعرف فيها.
س3: وش الطرق الثلاث ووش احسنهم؟
ج3: الطرق الثلاث طال عمرك كالتالي :
1- تبييض منزلي : تروح زياره اولى لطبيب الاسنان ويأخذ لك طبعه وبعدين تجيه زياره ثانيه ويعطيك حاجه شفافه (tray) ماخذه شكل اسنانك ويتحط عليها محلول الدكتور يعطيك اياه بتركيز محدده الدكتور من قبل وتحط المحلول في ال (tray) وبعدين تستعمل الماده لمده 30 دقيقه الى ساعه على حسب التركيز الي مستعمله الدكتور ولمده اسبوعين الى عشر ايام وحتى هذي الدكتور يحددها ( انا مالي دخل ) على حسب التركيز
2- تبييض عيادي : الظاهر ان اسمه بالعربي تبييض عيادي المهم هذا طريقتها انه يغطي لثتك ثم يحط نفس المحلول وبتركيز عالي
3- تبييض بالليزر : نفس طريقة الي فوق بس انه يستعمل الليزر عشان يسرع العمليه وتخلص في ساعه بدال ما تاخذ مده اطول.
اما بالنسبه لوش احسنهم فبرأيي ان التبييض المنزلي هو الافضل والانسب اذا انت منتاب مستعجل يعني ماوراك عرس ولا سفر.
س4: طيب ليش قلت انه احسن ؟
ج4 : انا اقولك ليش انا قلت لك التبييض المنزلي احسن اول شي الماده المبيضه تركيزها يكون خفيف وهالماده معروفه انها تسبب بعض التحسس للثه اذا لامست اللثه ( المفروض ماتلامس اللثه) والعاده تحس بتحسس في اسنانك بعد التبييض مع اي شي حار او بارد لكن هالتحسس مؤقت وايضاً تراه ارخص بشوي من التبييض في العيادة.
س5: ووش لازم تكون حالة اسناني قبل التبييض؟
ج5: اول شي الماده المبيضه تأثر على كفاءة الحشوه الي انت حاطها فاذا انت حاط اي حشوه عاده الدكتور يشيلها ويسوي لك تبييض ثم يحط لك وحده ثانيه ( سواء كانت حشوه بيضاء او سوداء ) واذا كان عندك سن مسوي له علاج جذر من قبل طريقة التبييض حقته بتختلف عن الطريق الي قلتها لك.
س6: طيب وش سالفة الVeneer ؟
ج6: هذي طال عمرك طبقة بورسلان نحيفة تنحط على اسنانك عن طريق ازاله طبقة نحيفة ايضاً من مينا السن ويبدلها لك بطبقة البورسلاين هذي واستعمال البورسلاين في حالات خاصه الي اسنانه صفارها ماراح بالتبييض او الي معالج جذور السن وصار لون سنه اسود او لحالات اخرى مثل تبقع الاسنان بسبب الفلورايد او التيتراسيكلين .
واسف على الاطاله وارجو ان الموضوع يكون مفيد
السلام عليكم...
كثير من الناس يسأل عن تبييض الاسنان ( dental bleaching) وايش طريقته وهل اللون الي يتم ازالته يختفي تماماً ولا انه ممكن يرجع وان شاء الله في هذا الموضوع بحاول اشرح شرح وافي عن التبييض وطريقته وبعض الاشياء الي تتشابه على الناس ويظنونها تبييض وهي طبقة البورسلان الي تنحط على الاسنان (Veneers) وارحب بأي سؤال تسألونه وان شاء الله يكون في الموضوع الفائدة ( اسمحوا لي ابتكلم باللهجه العاميه لأني احس انها اقرب للي يقرا)
س1: وش سبب اصفرار الاسنان ؟
ج1: اصفرار الاسنان يتكون بسبب تجمع بعض ترسبات البلاك والتبقعات من المشروبات او الدخان لأن السن متكون من ثلاث طبقات زي ماتعرفون طبقة اللب وطبقه مدري وش اسمها بالعربي (dentin) وهذي الطبقه اساساً لونها الطبيعي اصفر ويغطي الثلاث طبقات طبقة شفافه تماماً مثل القزاز وتسمى (enamel) وهي اقوى جزء في جسم البني ادم كله هالطبقه ذي تتأثر بالترسبات الي من الاكل ولو فرشت اسنانك يومياً وحافظت على انك تسوي تنظيف عند اخصائي التنظيف بيصير مافيه اي اصفرار بسبب هالطبقه واللون الاصفر الي بيكون ظاهر هو بس لون الطبقه الي تحتها.
س2: طيب والحل شلون ابيض اسناني الي لونها اصفر؟
ج2 : وصلت خير, كيف تبيض اسنانك تبييض الاسنان له ثلاث طرق وكلها تعتمد على نفس الفكره انك تحط مادة الهيدروجين بيراوكسايد على الاسنان وتصير بيضاء وعلى فكره تراها نفس الماده الي يستعملونها في كلوركس بس لحد يفهم غلط ويحط كلوركس على اسنانه ثم يجي ينكبني هالماده يحطها طبيب الاسنان بتركيز مخفف جداً وهو الاعرف فيها.
س3: وش الطرق الثلاث ووش احسنهم؟
ج3: الطرق الثلاث طال عمرك كالتالي :
1- تبييض منزلي : تروح زياره اولى لطبيب الاسنان ويأخذ لك طبعه وبعدين تجيه زياره ثانيه ويعطيك حاجه شفافه (tray) ماخذه شكل اسنانك ويتحط عليها محلول الدكتور يعطيك اياه بتركيز محدده الدكتور من قبل وتحط المحلول في ال (tray) وبعدين تستعمل الماده لمده 30 دقيقه الى ساعه على حسب التركيز الي مستعمله الدكتور ولمده اسبوعين الى عشر ايام وحتى هذي الدكتور يحددها ( انا مالي دخل ) على حسب التركيز
2- تبييض عيادي : الظاهر ان اسمه بالعربي تبييض عيادي المهم هذا طريقتها انه يغطي لثتك ثم يحط نفس المحلول وبتركيز عالي
3- تبييض بالليزر : نفس طريقة الي فوق بس انه يستعمل الليزر عشان يسرع العمليه وتخلص في ساعه بدال ما تاخذ مده اطول.
اما بالنسبه لوش احسنهم فبرأيي ان التبييض المنزلي هو الافضل والانسب اذا انت منتاب مستعجل يعني ماوراك عرس ولا سفر.
س4: طيب ليش قلت انه احسن ؟
ج4 : انا اقولك ليش انا قلت لك التبييض المنزلي احسن اول شي الماده المبيضه تركيزها يكون خفيف وهالماده معروفه انها تسبب بعض التحسس للثه اذا لامست اللثه ( المفروض ماتلامس اللثه) والعاده تحس بتحسس في اسنانك بعد التبييض مع اي شي حار او بارد لكن هالتحسس مؤقت وايضاً تراه ارخص بشوي من التبييض في العيادة.
س5: ووش لازم تكون حالة اسناني قبل التبييض؟
ج5: اول شي الماده المبيضه تأثر على كفاءة الحشوه الي انت حاطها فاذا انت حاط اي حشوه عاده الدكتور يشيلها ويسوي لك تبييض ثم يحط لك وحده ثانيه ( سواء كانت حشوه بيضاء او سوداء ) واذا كان عندك سن مسوي له علاج جذر من قبل طريقة التبييض حقته بتختلف عن الطريق الي قلتها لك.
س6: طيب وش سالفة الVeneer ؟
ج6: هذي طال عمرك طبقة بورسلان نحيفة تنحط على اسنانك عن طريق ازاله طبقة نحيفة ايضاً من مينا السن ويبدلها لك بطبقة البورسلاين هذي واستعمال البورسلاين في حالات خاصه الي اسنانه صفارها ماراح بالتبييض او الي معالج جذور السن وصار لون سنه اسود او لحالات اخرى مثل تبقع الاسنان بسبب الفلورايد او التيتراسيكلين .
واسف على الاطاله وارجو ان الموضوع يكون مفيد