الشقاوي
07-02-2010, 10:38 PM
كل مايقبل علـي الليـل كنـي فـي سجـن
اقضي الساعات في ليلـي علـى عبـره وآه
قلت ياليل الشقـى وشفيـك قاسـي ماتحـن
قال انا ملجاء لمـن ضيـع بعمـره مبتغـاه
قلت ياليل الشقى ماشفـت فيـك الا الحـزن
قال انا ستر وغطى والذيب يطربنـي عـواه
قلت ياليل انت تدري عن عيوني كـم بكـن
قال دمعك لاذرف عيني سحابـه فـي سمـاه
قلت يعني فيك رحمه ميـر ماتعـرف تسـن
قال مثلك ارحمه وابحـث وادور عـن دواه
قلت ياليـل احمـد الله فيـك ماخيبـت ظـن
قال ميـر احـذر طريقـي مايـودي للنجـاه
قلت لاتنقض كلامك قال انا قصـدي الزمـن
قلت وشبه قال يرمي بالغـدر مثـل الحصـاه
قلت جاني ماكفانـي منـه والجـرح امتكـن
وماحداني يم قربـك غيـر ماوقتـي رمـاه
قال هد الروع قبـل جـروح قلبـك يعتفـن
قلت همي مابقى بالصـدر ضلـع الا وطـاه
قال خلك قلت وشبه قال هـو سـاس الفتـن
قلت تدري قال انا ادري مير وش ترجي وراه
قلت احبه قال كبه قلـت مااقـدر قـال عـن
قلت لو بااطى على قلبـي واهينـه مانسـاه
قال حاول قلـت مافيهـا بعـد قلبـي رهـن
قال رده قلت سـده مانويـت ابحـث خفـاه
قال وافي قلت جافي يحسـب ان الصـد فـن
له ثمان سنين يوعـد ميـر وعـده ماوفـاه
قال تعسف قلت وانصف مير هديت الرسـن
قال جاهل قلت يستاهل وادور عـن رضـاه
قال بارق قلت حارق ساقتـه رعـده يحـن
قال سيفه قلت كيفه يبتلـي بـه مـن نـواه
قال وصفه قلت تحفه سعرهـا فـاق الـوزن
قال طيبه قلت عيبه طيب ماادري وش مـداه
قال هرجه قلـت فرجـه لاهـرج ماهرجـن
قال سره قلـت مـره مايبـوح بسـر جـاه
قال بيته قلـت صيتـه فيـه دايـم مستكـن
قال باقي قلت شاقي طول عمري فـي رجـاه
قال يامحلا السمر ويـاك دايـم قلـت مـن
قال مابه غيرك انته والسـواد اللـي تـراه
قال بسري قلت بدري قـال نجماتـي سـرن
قال بكره قلت بكـره قـال لاتنسـى الـدواه
وانقضى ليلي وطيور الصبح جـن وغـردن
وانتهى قاف(ن) عسى الله لايخيب من بنـاه
الشاعر:مسفر العميري الحارثي
اقضي الساعات في ليلـي علـى عبـره وآه
قلت ياليل الشقـى وشفيـك قاسـي ماتحـن
قال انا ملجاء لمـن ضيـع بعمـره مبتغـاه
قلت ياليل الشقى ماشفـت فيـك الا الحـزن
قال انا ستر وغطى والذيب يطربنـي عـواه
قلت ياليل انت تدري عن عيوني كـم بكـن
قال دمعك لاذرف عيني سحابـه فـي سمـاه
قلت يعني فيك رحمه ميـر ماتعـرف تسـن
قال مثلك ارحمه وابحـث وادور عـن دواه
قلت ياليـل احمـد الله فيـك ماخيبـت ظـن
قال ميـر احـذر طريقـي مايـودي للنجـاه
قلت لاتنقض كلامك قال انا قصـدي الزمـن
قلت وشبه قال يرمي بالغـدر مثـل الحصـاه
قلت جاني ماكفانـي منـه والجـرح امتكـن
وماحداني يم قربـك غيـر ماوقتـي رمـاه
قال هد الروع قبـل جـروح قلبـك يعتفـن
قلت همي مابقى بالصـدر ضلـع الا وطـاه
قال خلك قلت وشبه قال هـو سـاس الفتـن
قلت تدري قال انا ادري مير وش ترجي وراه
قلت احبه قال كبه قلـت مااقـدر قـال عـن
قلت لو بااطى على قلبـي واهينـه مانسـاه
قال حاول قلـت مافيهـا بعـد قلبـي رهـن
قال رده قلت سـده مانويـت ابحـث خفـاه
قال وافي قلت جافي يحسـب ان الصـد فـن
له ثمان سنين يوعـد ميـر وعـده ماوفـاه
قال تعسف قلت وانصف مير هديت الرسـن
قال جاهل قلت يستاهل وادور عـن رضـاه
قال بارق قلت حارق ساقتـه رعـده يحـن
قال سيفه قلت كيفه يبتلـي بـه مـن نـواه
قال وصفه قلت تحفه سعرهـا فـاق الـوزن
قال طيبه قلت عيبه طيب ماادري وش مـداه
قال هرجه قلـت فرجـه لاهـرج ماهرجـن
قال سره قلـت مـره مايبـوح بسـر جـاه
قال بيته قلـت صيتـه فيـه دايـم مستكـن
قال باقي قلت شاقي طول عمري فـي رجـاه
قال يامحلا السمر ويـاك دايـم قلـت مـن
قال مابه غيرك انته والسـواد اللـي تـراه
قال بسري قلت بدري قـال نجماتـي سـرن
قال بكره قلت بكـره قـال لاتنسـى الـدواه
وانقضى ليلي وطيور الصبح جـن وغـردن
وانتهى قاف(ن) عسى الله لايخيب من بنـاه
الشاعر:مسفر العميري الحارثي